Savoury Sweet Potato recipes (Curry, chips, Mac & cheese and more)



 عام جديد يأتي والحمد لله على كل حال....اللي بيتابعني منكم بيعرف اديش كانت الفترة الماضية صعبة ولساتها صعبة كتير لاكون صريحة... الم الفراق صعب جدا ولكن عزائي انه احب احبابي الي عند ارحم الراحمين اللي احن مني عليه...ربنا يكتبلي اكون معه في جنات النعيم ..آمين

ما رح احكي كتير عن موضوع مشاعري ونفسيتي حاليا لاني صدقا مو حاسة اني جاهزة باي شكل من الاشكال وبحس اني عودتكم اكون شخص ايجابي ولذلك قررت احاول على قدر استطاعتي اني اكمل ولما بشعر انه الجرح صار احسن واني جاهزة احكي رح احكي لاني عارفة انه اللي صار معي ممكن يصير مع اي حد وكتير منا بحاجة يشعر بالمواساة والحب والتفهم بهاي الفترة واللي للاسف بمجتمعنا مش اشي واضح المعالم...يعني في ناس بتبعد عنك  لانه ما بتعرف تتعامل معك بهيك موقف وفي ناس بتقرب كتير وممكن تعك (يعني يحكوا اشياء بتضايق ومش مقصودة ) بغرض التسرية عنك وفي ناس بتكون ناس عادية وبصيروا اعز الاصدقاء لوقفتهم جنبك وفي ناس جد اقل من النحاس كمعدن ....لا الهم قيمة ولا اي فائدة وهدول يفضل تجنبهم والغائهم من حياتك واهتمامك...دروووس وعبر بنتعلمها بالحياة ولما تصيبنا مصيبة الموت (ربنا قال عنها هيك بسورة المائدة) كتير بنشوف وكتير بنتعلم... النتيجة رح احاول جهدي اكمل بالطريقة اللي بديت فيها بس اكيد اني تغيرت كتير....شكرا لكم من القلب على المساندة والوقوف الى جانبي والدعم اللي عنى لي الشيء الكثير خاصة اني ما بعرفكم شخصيا...ربنا يكرمكم...

فيديو اليوم الي فترة بصور فيه وقلت بدي اطلعه مشان تستفيدوا من بعض الافكار لاستخدام البطاطا الحلوة بالاكلات المختلفة واللي سبق وعملت فيها اكتر من طبخة وحلو وهي بعضها بالروابط

كعكة البطاطا الحلوة

ارز بالحليب بالبطاطا الحلوة

سلطة البطاطا الحلوة

كعكات البطاطا الحلوة بالكراميل

خبز بالبطاطا الحلوة





لوصفات اليوم

لطهي البطاطا الحلوة

تطهى اما بلفها بورق الالمنيوم وتخبز او تقشر وتسلق

التفريز

على الحالتين انا اقوم بهرسها وتعبئتها باكياس او عبوات للفريزر لاستخدها باي وصفة طوال السنة

الوصفة الاولى لسناك خفيف ومفيد للعائلة 

شيبس البطاطا الحلوة 

المقادير:

2-3 حبات بطاطا حلوة مغسولة جيدا ومقطعة شرائح رفيعة 

2- 3 ملاعق طعام زيت زيتون

رشة ملح وفلفل اسود

1/2 ملعقة صغيرة روزماري ناشف

الطريقة:

يخلط الزيت مع الملح والفلفل والاعشاب

تضاف البطاطا وتخلط جيدا

توزع البطاطا بطبقة واحدة على ورق الخبز وتخبز على دفعات بفرن حرارته 150 درجة ليصبح مقرمش (اذا لاحظتي احمرار زيادة خفضي الحرارة)

يمكن اتباع نفس الطريقة لعمل مكعبات بطاطا حلوة او فرايز بجانب البرغر او الستيك مع ان تكون الحرارة 180 لاننا لا نريد القرمشة هنا

كاري الدجاج مع البطاطا الحلوة

من الوصفات السهلة والسريعة والتي تضفي فيها البطاطا الحلوة نكهة وعمق بالطعم بالاضافة الى الفائة الغذائية عدا عن انها طريقة ممتازة للاستفادة من بواقي البطاطا الحلوة

كاري الدجاج مع البطاطا الحلوة

المقادير:

2 ملعقة طعام زيت نباتي

3 صدر دجاج مقطع مكعبات

بصلة متوسطة مفرومة ناعم

حبتين جزر مقطع مكعبات

2 حبة ثوم مهروس

ملعقة صغيرة ممتلئة زنجبيل مبشور

حبة بطاطا حلوة مسلوقة

ملعقة صغيرة ممتلئة كاري

1/2 ملعقة صغيرة من كل من الكمون والكركم والكزبرة الناشفة

ملح وفلفل اسود

علبة حليب جوز هند

2 كوب مرق دجاج

(يمكن خلط ملعقة صغيرة من النشا مع القليل من الماء لتسميك الصوص بنهاية الطبخة)

للوجة:

كزبرة خضراء مفرومة ناعم

الطريقة:

تقلب قطع الدجاج بالزيت ليختفي لونها الزهري (اذا كانت كمية الدجاج كبيرة في حال ضاعفتي الكمية قومي بطهيها على مراحل)

يضاف البصل والجزر وتقلب عدة دقائق

يضاف الثوم والزنجبيل والبهارات والبطاطا الحلوة وتقلب

يضاف المرق وتملح وتبهر وتترك لتطبخ 5 دقائق على نار متوسطة

نضيف حليب جوز الهند ونطبخها 7-8 دقائق اخرى وهي مغطاة ونتاكد من نضج الدجاج والخضار

يمكن تسميك الصوص بالنشا

نضيف الكزبرة الخضراء وتقدم مع الارز

(محبي الاكل الحار يمكنهم اضافة حبة فلفل احمر مفروم ناعم مع البصل عند الطبخ او فلفل بودرة)


الوصفة الثالثة هي لطبق جانبي لذيذ وهو معكرونة الجبن بالبطاطا الحلوة

للوصفة يمكنكم الذهاب الى الرابط

التغيير الذي قمت به هنا هو اضافة حبة بطاطا مهروسة للصوص

اضافة مقادير الوجة والتي كانت عبارة عن كوب بقسماط مع 2 ملعقة طعام زبدة وملعقة طعام ممتلئة بارمزان و1/2 ملعقة صغيرة بابريكا مدخنة 

اضافة البطاطا الحلوة اعطى حلاوة لذيذة اضافت عمق للنكهة بالاضافة الى القيمة الغذائية واللون


لذيذة جدا وعشق الصراحة شوفوا اديه كريمية

الوصفة الرابعة كانت لفطيرة الراعي بس استخدمت التشيلي واللي فيها عملت بطاطا مهروسة وحطيتها مع الجبنة فوق التشيلي (وصفة التشيلي بتلاقوها بهاد الرابط)

اللي عملته فعليا اني سلقت 2 حبة بطاطا عادية و2 بطاطا حلوة وبس استوت هرستها وضفت الزبدة والحليب والملح والفلفل الاسود

الافكار اللي ممكن تاخدوها من هاي الطريقة

عمل بورية البطاطا المهروسة بجانب الستيك او الدجاج

عمل فطيرة الدجاج بالكريمة (بدل التشيلي)

عمل فطيرة الراعي (لحم مفروم مقلب مع البصل وممكن اضافة الخضار مثل البازيلا والجزر ووضع طبقة اسفل الصينية ثم الحشوة ثم طبقة اخرى من البطاطا والبقسماط وقطع الزبدة)




Comments

Popular Posts