فطور بكانون ثاني: خبز باللين وفيتا مطبوخة بالبندورة


 

اللي بيتابعوني من زمان بيعرفوا انه فطور يوم الجمعة مميز عندي وبحب اعمل كل شي فيه بالبيت ...الجمعة الماضية حبيت اشارككم بفيديو الفطور وقررت كل شهر يكون في واحد باذن الله مع وصفات جديدة لتعطيكم افكار للجمع القادمة....يوم الجمعة بالنسبة الي يوم صعب كتير لانه كنت اقضيه مع حبيبي هارون الله يرحمه وكان حبيبي يحب الفطور والجمعة...

بتمنى يعجبكم الفيديو



خبز اللبن نوع خبز رائع وسريع ما بده خميرة وبنص ساعة بتكوني عم تخبزيه وعلى الغاز مش بالفرن كمان


خبز اللبن
المقادير:
3 اكواب طحين
1 ملعقة كبيرة بيكنج باودر
1 ملعقة صغيرة ملح
2 كوب لبن بحرارة الغرفة

الطريقة:
تعجن كل المقادير معا  وتكور وتغطى لترتاح 20 دقيقة
على سطح مرشوش بالطحين نبدأ بفرد العجينة ونكون قد وضعنا المقلاة على النار 
انا استخدمت الصاج
ونحمر الخبز على الجهتين مثل الفيديو

اما الطبق الثاني واللزيز اللي عملته بالفطور فبدون مقادير اعتقد سهل وواضح
القليل من زيت الزيون بنحمر فيه بصلة صغيرة مفرومة ناعم وبنضيف فليفلة خضراء وبعدين بندورة وملح وزعتر وملعقة صغيرة رب البندورة ورشة سكر ونتركها لتتسبك على نار هادئة
ثم نضيف قالب 200 غم فيتا (انا استخدمت الخمس بقرات) بعد تقطيعها الى مكعبات
نغطيها ونتركا لتتسبك قليلا ويمكن اضافة شرائح الزيتون
وتقدم ساخنة


Comments

Popular Posts