ِDelicious Apple recipes


 وبما انه نحنا بموسم الخريف يبقى لازم وصفات خريفية....

التفاح والقرع والجوز والقرفة والجوافة...كلها اشياء بتذكرنا بالخريف

فيديو اليوم مميز لانه مش بس وصفات بالتفاح وكمان لافكار للاستفادة من التفاح اللي موجود لنحفظه بعدة اشكال للاستفادة منه بعدين

مهم اذكر انه التفاح زي ما احنا عارفين انواع

في منه لذيذ للاكل مثل الزبداني والاخضر (للي بيحبوا القرشة والحموضة) والسكري (للي بيحبوا التفاح الصغير) زفي منه ممتاز للطبخ زي الاصفر والامريكي الاحمر وفي الفوجي ممتاز لحشوة التفاح والاكل لانه بيقرش والاخضر لانه بيحافظ على شكله وفيو حموضة بتوازن الحلاوة بالوصفات



وصفات الفيديو

حلو السنكرز والتفاح واللي صورته فوق وهو عبارة عن كريما مخفوقة وفيها تفاح اخضر مقشر ومقطع وسنكرز وصوص كراميل

يبدو كتير تقيل بس فعليا لزيز كانكم عم تاكلوا تفاح الشام اللي بالكراميل مش العنبر الاحمر

حشوة فطيرة التفاح واللي ممكن تتفرز باكياس محكمة الاغلاق بكل سهولة ل 3 اشهر وممكن اطول اذا استعملت الة سحب الهواء من الاكياس

وبالحشوة عملت تارت الكنافة بالتفاح



تارت الكنافة بالتفاح

المقادير:

500 غم عجينة كنافة مقطعة خشن ومفروكة ب 100 غم زبدة مذابة

حشوة تفاح

قطر للتشريب

للوجة

كريما مخفوقة

صوص كراميل

الطريقة:

ترص 2/3 كمية عجينة الكنافة بالقالب

نضع الحشوة مع مراعاة ان لا تصفى من اي سوائل

نرص باقي العجينة فوقها

تخبز على 350 ف او 180 م لتتحمر (حوالي 40 دقيقة)

تقلب وتسقى بالقليل من القطر

تترك لتبرد وتزين بالكريما المخفوقة وممكن المكسرات وصوص الكراميل


ولاني بحب دايما افكر قبل بوقت وللمستعجلين واللي بيجيهم ضيوف فجأة وبيحتاروا شو يضيفوهم ...كرمبل التفاح من اروع الوصفات اللي بتحسي انك عم بتاكلي فيها فطيرة تفاح بدون تعب وخاصة انه ممكن تتحضر وتتفرز وبس بتنحط بالفرن وبس تتحمر بتتقدم مع البوظة



كرمبل التفاح

المقادير:

للطبقة الجافة:

1/2 كوب طحين

كوب شوفان كامل الحبة

1/4 كوب سكر

1/4 كوب سكر بني (مهم للرطوبة والطعم)

60 غم زبدة مكعبات باردة

لطبقة التفاح

3 تفاحات صغار مقشرين ومقطعين مكعبات

ملعقة طعام سكر

رشة عصير ليمون

ملعقة صغيرة قرفة

الطريقة:

تخلط المكونات الجافة معا ثم تضاف الزبدة وتفرك لتصبح كالفتات

تخلط مكونات الحشوة وتوزع على الصحون الخاصة بالفرن (طبعا يمكن عملها بصحن كبير)

توزع طبقة الكرمبل

الان يمكن خبزها على 180 من 25-30دقيقة وتقدم ساخنة مع الكريما او بوظة الفانيلا او تلف جيدا بورق بلاستيك ويحتفظ بها لشهر في الفريزر

عند الرغبة بشويها تخرج من الفريزر وتوضه بالفرن دون اذابة وستحتاج الى وقت اطول للنضج

ولانه التفاح بيتميز بانه في منو الحامض وفي منه الحلو وفي منه الطري وفي منه اللي بيقرش فهو مكون رائع للاطباق المالحة مثل السلطات وسلطة الوالدورف هي سلطة لمحبي الطعم المختلف والمميز الذي يجمع بين الحلو والمالح والطازج والقرشة اللذيذة

سلطة الوالدورف

المقادير:

 حبة الى حبتين تقاح اخضر

1/2 راس خس مفروم

كوب عنب احمر مزال البذر

عود كرفس مفروم

1/2 كوب جوز محمص 

للصوص:

1/2 كوب مايونيز

1/4 كوب لبن

1/2 ملعقة صغيرة بودرة الثوم

ملعقة طعام او اكثر قليلا عسل

ملح وفلفل اسود

الطريقة:

ترتب مكونات السلطة وتخلط مكونات الصوص وتقدم 

هريس التفاح واللي هو عبارة عن تفاح مطبوخ واستعملته بعمل كب كيك التفاح واللي بتلاقوه وصفته هون

هريس التفاح

المقادير:

كيلو تفاح يفضل نوع جيد للطبخ ويصبح طري مثل التفاح الاصفر مقطع وبقشره

القليل من الماء (حوالي 1/2 كوب)

عصرة ليمون

سكر حسب الرغبة (انا حطيت حوالي 1/4 كوب)

الطريقة:

توضع كل المقادير بقدر على نار متوسطة ليبدأ السكر بالذوبان ويطرى التفاح قليلا

يغطى ويترك ليتضج ثم يهرس بمطحنة الطعام ويمكن الاحنفاظ به بالثلاجة لمدة اسبوع واشهر بالفريزر

يستخدم بالحلويات وكبديل عن البيض ببعض وصفات الحلويات المخبوزة لاعطاء طراوة ويؤكل ك سناك خفيف

ملاحظة:

يمكن اضافة رشة قرفة


Comments

Popular Posts