Left over chili and Bulgar ...what to do, Ayran recipe plus my monthly grocery budget and shopping haul

هاد البوست رح يكون فيه موضوعين
الاول هو شو اشتريت بتحدي الطبخ من المونة لهاد الشهر واديش صرفت




والثاني تحضيراتي للمزرعة يوم الجمعة وكيف استفدت من البرغل بدفين لتحويله لسلطة وكيف حولت بواقي التشيلي ل 3 اطباق خلال الاسبوع ووصفو خبز الهوت دوغز ولبن العيران الروعة والمنعش



بالنسبة لتشيلي فالوصفة بالرابط

البواقي تحولت ل 
1- معكرونة بالتشيلي
معكرونة سلقتها وحطيت عليها تشيلي وبعدين جبنة وخبزتها وهي الصورة من التلفون


والفكرة الثانية هي انك تعملي تشيلي دوغز...

خبز حمام او هوت دوغز بتحطي فيه هوت دوغز مشوية (انا قليتها بالقلاية الهوائية) وبعدين شوية تشيلي وشوية جبنة وبالفرن لتسيح الجبنة...



بس الفكرة باللزازة مش هون بس... الفكرة بانه انا عملت الخبز بالبيت...اشي خرافي

هي صورة خطوات التشكيل للعجينة بس خمرت


وهي النتيجة :)


وهي الوصفة :)

روعة قليلة عليها وبتنفع للبرغر وللحمام والصمون الصغير

خبز الهوت دوغز
المقادير:
4 اكواب طحين
1/4 كوب حليب
بودرة
1/4  كوب حليب سائل دافئ
2 ملعقة صغيرة خميرة
1/2 1 ملعقة صغيرة ملح
2 ملعقة طعام سكر
بيضة
1/2 ملعقة طعام خل
3 ملاعق طعام زيت
زبدة مذابة لدهن الوجة

الطريقة:
نعجن المقادير معا وممكن نحتاج لاضافة الطحين  للحصول على عجينة لينة غير لاصقة
تعجن 10 دقائق
تخمر ساعة
تقطع وتشكل مثل الصورة اعلاه
ترتب بصينية
تغطى وتخمر ستعة اخرى
نحمي الفرن على 200
تخبز لتتحمر
تدهن بالزبدة فور خروجها من الفرن



اما الفكرة الثالثة فهي تشيلي فرايز..



بطاطا مقلية وعليها تشيلي وجبنة...سهل سهل

واذا بتفكروا خلصت افكار التشيلي...ابدا ...الشهر الجاي ان شاء الله رح اعمل معكم كمان 3 وصفات ببواقي التشيلي... :)
نعم مما يعني انها رح تكون على قائمة وجبات الشهر القادم باذن الله



ووصفتي الاخيرة الكم هي اللبن العيران...نعم هي وصفة سهلة وعبارة عن لبن ومي وملح بس اذا بدكم الرغوة تكون هيك



يبقى شو السر؟

بدل المي العادية استخدموا صودا (ماء الصودا او مياة غتزية بدون نكهة او سكر طبعا)

العيار سهل

كل كوب لبن بده حوالي 1/2 كوب مي...ممكن تزيدي حسب الرغبة واكيد ملح...والزكاوة اذا اللبن معمول بالبيت...

انتعاش...




Comments

  1. يعطيكي العافية
    بس ممكن اعرف شو حطيني لسلطة البرغل غير الخيار والبندورة

    ReplyDelete

Post a Comment

Popular Posts