Wednesday, August 9, 2017

الدجاج الاسيوي بالعسل ومشروع منزلي



بعرف شو رح كلكم تقولوا...وبعدين معها هاي؟ كل شوي بتغط وبترجع بتطلع بتعتذر عن التأخير وبتحجج بحجج وانها ما بتحط بوستات... معكم حق الصراحة...واحدة من المتابعات قالتلي مدونتك عاملة ريجيم ههههههه...وبيزعل المزبوط لانه الوقت مش زابط....يعني شو اعمل عشان الاقي وقت...اكطع حالي يا خالاتي؟!!! :)

المهم اني قررت انه اذا بدي اكون حكيمة رح ارجع اكتب بالعربي بس ...الكتابة باللغتين برضه متعبة جدا....لنشوف اذا هاد الاشي رح يساعد او لا في اني ارجع المياة لمجاريها :)

اليوم الشغل معقول فقلت اخطفلي ساعة زمن واحط بوست...رح يكون مليان لاني عن بكون نشيطة على سناب تشات بس ما بقدر اني الحق على السناب والمدونة..يعني جد تقطيع رسمي..

بس جد الي ما بتحب سناب تشات...تجربه رح تغير رأيها ..انا كنت من هدول وغيرت رأيي بعد ما جربته...طبعا في تفاهات كتيرة...بس انا بصراحة ما بتابع اي اشي...

اللي بتحب اتابعني هي اكاونتي 




نرجع للمفيد...

اليوم رح اشارككم مشروع لمبة...ههههه ...لا مش اسم مشروع تنموي...مع انه والله الاسم "كاتشي" :) لمشروع تنموي...واللي بده يلطشه ما عندي مشكله :) 

عملت اشي للضو ..بديش اقوا ثرية لانه كتير عيب...ولا حتى بيوصل لهالمستوى...بس لزيز واكيد شوفتوه كتير فقررت اني اجرب بنفسي والنتيجة كانت هيك

كيف؟

هي الخطوات

بنحتاج ال:
بالون كبير 
خيطان قنب (بالبلد الطبة بنص دينار...يا بلاش)
غراء ابيض
وسلامتكم

هلا بتنفخي البالون...اما بمنفاخ او عند الكازية لانع بنات اذنية نزلوا في محاولة فاشلة لنفخه...وهاد انا شايلة اللوز...!!!
بترسمي دائرة بقلم فلوماستر بقطر 10 سم تقريبا حول عقد البالون. هاي الدائرة مهمة ...بعدين بحكي ليش.
بتفكي الطبة تبع الخيطان وبتقعيها بالغراء
وبتبدي تلفي الخيطان بشكل عشوائي ومتقاطع وفوق بعض ومهم انه ما تشبكي الخيطان عند الدائرة اللي رسمتيها. ليش؟ لانه من هناك رح تدخلي اللمبة فبدك مكان يوسع باريحية.
هلا بتحطيه ينشف تماما على علبة لبن او سطل...المهم اشي ما بيهمك يجي عليه غراء ومفتوح من تحت للتهوية

واتركية يومين او 3 لينشف الغراء ويقسى الخيط...
اذا حسيتي انه لسة طري بمحلات...زيدي غراء ولما ينشف تماما افقعي البالون زي هيك (البالون الازرق هيو جوة)


هلا بالفراغات بين الخيطان الغراء ممكن يعمل طبقات شفافة زي الصورة فوق...بخفة قمتها بسكين واللي ضل ما ببين

وحطيتها حولين لمبة مرتبة وخلصت فكت...
ما كلفت 3 دنانير...
والنتيجة حلوة جدا.. بالنسبة الي على الاقل :) 


ونرجع للاكل...عملت دجاج اسيوي بالعسل بالفرن على سناب تشات لاقى استحسان كبير



الدجاج الآسيوي بالعسل
المقادير:
٩ قطع دجاج (المفضل لديك)
للصوص:
١/٣ كوب كاتشب
١/٣ كوب عسل
١/٢ ١ ملعقة طعام سكر بني
ملعقة طعام خل
٣ -٤ حبة ثوم مهروس
بصلة صغيرة مبشورة
ملعقة صغيرة بشر زنجبيل طازج 
ملح، فلفل اسود
١/٤ كوب صويا صوص
للوجة:
سمسم محمص

الطريقة:

تخلط كل المواد وتوزع على الدجاج
توضع بالفرن على 180 وتقلب بين الحين والحين لينضج الدجاج وتتحمر القطع وتصبح الصوص دبقة...
يرش بالسمسم المحمص

وبس شفتوا اسهل من هيك؟



1 comment:

  1. It is well known that the cleanliness of houses is one of the most important services necessary in cleaning and upgrading our homes to the modern homes, which have been cleaned modern, which would provide the living conditions of the neighborhood and the quality of a competent body in the field with the provision of guarantees that would ensure the full guarantee of the success of the cleaning service There is no need for more money to be lost through requests for house cleaning services that do not meet their needs and are not in line with their wishes because many home cleaning companies are only seeking to offer their services through promotional methods in order to make money only without taking into consideration the ethical and professional conscience As these companies seek to satisfy customers, nothing more than this is accomplished by mastering house cleaning شركة نقل عفش بالرياض
    شركة تسليك مجاري بالرياض

    ReplyDelete