Saturday, September 27, 2014

وصفات بسكوت متنوع للعيد من منوعات المدونة


الاسبوع الماضي ما كانش اسبوع طبيعي ولا باي مقياس...كنت بركض بركض بركض ومشاغل ووصل وجيب وعزومة ومعزومة وتصوير وحلقة تلفزيون يعني الحمد لله انه مر بسلام...وبالرغم من التعب الشديد واني عم بغمض وانا بطبع هالبوست الا اني مش قادرة ما اكتب اشي..الي اسبوع يا عمي ما بربرت...هههههه حاسة حالي اشتقتلكم كتيير...
والحمد لله بعد نعم ربي علي بوجود هالناس الطيبين ودعمكم المتواصل اللي اكيد بيعطيني الدافعية للامام...بتمنى اكون عند حسن ظنكم جميعا...

قرب عيد الاضحى وهلأ ايام فضيلة الله يستجيب دعوات الجميع ويحققلكم كل اللي ببالكم وانا معكم :)
وبمناسبة العيد وانه قرب قررت اخصص هاد البوست للعيد واحاول اني اجمع كل الوصفات اللي على المدونة اللي بتنفع للعيد كضيافة...فخلونا نبلش ورح اختمها ان شاء الله بحلقة يوم السبت 9/27 بوصفات كرات جوز الهند وكرات الفول السوداني والبسكوت...

نبدأ باسم الله...بس اضغطوا على الاسم باسفل الصورة لياخدكم للوصفة مباشرة على المدونة

بسكوت الحظ الصيني
بسكوت الشوفان بالشوكولاتة

بسكوت الشوكولاتة بزبدة الفول السوداني
بسكوت الكيك مكس بالفارسميلا

بسكوت الشوكولاتة بالسكر الناعم

مربعات الارز المنفوش بالشوكولاتة

مربعات التمر بالشوفان

(مربعات المربى (المبروشة

بسكوت الزنجبيل

السمسمية

مربعات الرازبري بجوز الهند والشوكولاتة

بسكوت رقائق الشوكولاتة

البسكوت المخملي الاحمر برقائق الشوكولاتة

مربعات السمورز
بسكوت الشوفان بالكورن فليكس
اما وصفات اليوم فهي..

كرات جوز الهند بالشوكولاتة واللوز

المقادير:
100 ملم ماء
125 غم زبدة
كوب سكر
3 ملعقة صغيرة فانيلا
2 ملعقة صغيرة نكهة جوز الهند
4 كوب جوز هند ناعم
2 كوب حليب بودرة
لوز كامل مقشر ومحمص خفيف
شوكولاتة بيضاء مذابة للتغطيس
جوز هند خشن للتغطيس

الطريقة:
في قدر على النار نغلي الماء والزبدة والسكر مع التحريك ليذوب السكر تماما وتغلى 3 دقائق وتبرد
تضاف الفانيلا ونكهة جوز الهند
يخلط جوز الهند والحليب وتضاف السوائل وتعجن جيدا وتكور (ممكن حشوها باللوز المحمص)
تغطس بالشوكولاتة البيضاء ثم تدحرج بجوز الهند


كرات زبدة الفول السوداني بالشوكولاتة
المقادير:
كوب زبدة الفول السوداني
كوب عسل
2 كوب حليب بودرة
كوب سكر ناعم
شوكولاتة غامقة لتغطيس الكرات
1/2 1 كوب كورن فليكس محلى مكسر للتغطيس

الطريقة:
تخفق زبدة الفول السوداني والعسل والسكر والحليب لتصبح عجينة
تكور وتغطي بالشوكولاتة ثم تدحرج بالكورن فليكس وصحتين
بسكوت السكر الاساسي



بسكوت السكر الاساسي
المقادير:
226 غم زبدة بحرارة الغرفة
1/2 1 كوب سكر ناعم منخل
بيضة
2 ملعقة صغيرة فانيلا
1/2 2 - 3/4 2 كوب طحين
2 ملعقة صغيرة بيكنج باودر
ملعقة صغيرة ملح

الطريقة:
تخفق الزبدة والسكر ليصبح الخليط كالكريما
تضاف البيضة والفانيلا
يرفع 1/4 كوب من الطحين على جنب (لانه من الممكن ان لا تحتاجيه)
يخلط الطحين مع بقية المكونات للحصول على عجينة متماسكة
تفرد العجينة على سطح مرشوش بالطحين
تقطع حسب الرغبة
تخبز على 180 درجة من 10-12 دقيقة

ايسنج (كريما) لبسكوت السكر
المقادير:
كوب سكر ناعم
2-4 ملاعق طعام حليب
2 ملعقة صغيرة شراب الذرة الحلو Light Corn Syrup
ملعقة صغيرة فانيلا
الوان حسب الرغبة

الطريقة:
تخلط معا بالخفاقة مع عدم اضافة الحليب دفعة واحدة للحصول على السماكة المطلوبة
لتحديد البسكوت يستعمل ايسنغ سميك
لملأ البسكوت بالايسنج تستعمل الاكثر سيولة (من خلال اضافة المزيد من الحليب)



Friday, September 19, 2014

الوافل باستخدام الخليط المتعدد الاستعمالات

صباح الورد وجمعة مباركة للجميع....

اليوم وصفة الوافل بالخليط المتعدد الاستعمالات..معلش مشغولة شوي وما في وقت للحكي فدغري ندخل بالمهم...


الوافل باستخدام الخليط المتعدد الاستعمالات
المقادير:
2 كوب من الخليط
1/3 1 كوب حليب
ملعقتين صغيرة فانيلا
بيضة
اختياري: شوكولاتة تشيبس ،فراولة، بلوبري....الخ

الطريقة:
تخلط المواد السائلة
تضاف للجافة وتخلط 
تحمى مقلاة الوافل الخاصة (وما بزبط من غيرها وهي مش غالية كتير والها قطع غيار للساندويشات كمان...ان شاء الله رح اعمل بوست خاص قريب عن استعمالات تانية لالها مشان اذا اشترتوها تحسوا انن استفتدوا منها كتير

ترش المقلاة الساخنة بالزيت وتسكب كمية من العجينة داخل كل جهة وتغلق وتطبخ حسب تعليمات الجهاز (عادة بفتحعا بس يضوي الضو الاخضر ويخلص البخار )

وهي النتيجة والف صحة وهنا



Thursday, September 18, 2014

كعكة القرفة بالخليط المتعدد الاستعمالات

يوم خميس جديد وعطلة نهاية اسبوع جيدية بتمنالكم كل السعادة والرواق فيها...مشتاقة لمدونتي كتير الصراحة وللوصفات الخاصة بالمدونة وجد حاسة حالي وبالرغم من كم الوصفات مؤخرا انها مش زي ما بدي ووصفات المدونة زي زمان...لازم ارجع ان شاء الله وللمشاريع المنزلية كمان...

وصفة اليوم بالخليط ما غيره..وللي ما بيعرف عن شو بحكي ممكن يرجع للوصفة على اليوتيوب هون 

اليوم كيكة سهلة وبسيطة ورائعة مع كاسة شاي او فنجان قهوة...سكرها خفيف...

كعكة القرفة بالخليط المتعدد الاستعمالات
المقادير:
للوجة:
1/3 كوب من الخليط
1/3 كوب سكر بني
1/2 ملعقة صغيرة قرفة
2 ملعقة طعام زبدة جامدة

مقادير الكيكة:
2 كوب خايط
2/3 كوب حليب
2/3 كوب سكر
بيضة
2 ملعقة صغيرة فانيلا

الطريقة:
يدهن قالب متحرك القهر بالزيت ويرش بالطحين
تخلط مكونات الوجة لتصبح فتات
تخفق مقادير الكعكة وتسكب بالصينية 
ترش مقادير الوجة على وجة الكعكة
تدخل الفرن على 180 لغاية ما تجتاز اختبار فحص الكيك (حوالي 20-25) دقيقة

ملاحظة: الكعكة صغيرة يعني ما تتوقعوا تكون مثل الكيكة العادية

تترك لتبرد على سلك معدني
للوجة:
1/4 كوب جبنة كريمية3/4 كوب سكر ناعم
ملعقة صغيرة فانيلا
2-3 ملاعق طعام حليب

الطريقة:
تخلط معا وممكن اضافة المزيد من الحليب اذا كانت سميكة
تنزل على الكعكة


Tuesday, September 16, 2014

وصفات السبت 9/13 على دنيا يا دنيا وقناة رؤيا ووصفتين للمفن من خليط الخبز المتعدد الاستعمالات

بدا الخريف يعزف اول نغماته بالطقس وبديت اشعر بانه فصل الصيف العزيز على قلبي عم بيودع!!! يعني وبالرغم من النق اللي عملته من فترة لفترة على عجقة الصيف والشوب بس بيضل فصلي المفضل بسماه الزرقاء والشمس اللي معبية كل مكان وبتعطيني الشعور بالطاقة وبالانجاز!!! بس كل اشي واله آخر...عشان هيك رح احاول استمتع بالخريف مع انه من اكتر الفصول كآبة..بشعرني بالحزن مع انه في ناس كتير بتحبه وبشعرها بالدفء...اهو كل واحد وعلامو!!!

السبت الماضي على دنيا يا دنيا استمتعت بحلقة جميلة وردود فعل رائعة منكم...شكرا جزيلا للمتابعة بحلقة الخليط المتعدد الاستعمالات 


والبسكوت اللي بيتقدم مع الدجاج المقلي



لخلطة الخبز المتعدد الاستخدامات (مثل ما حبت ديالا الدباس تسميها الخلطة السحرية) والبسكوت اللي بيتقدم مع الدجاج المقلي
هي الفيديو

ولتندرز الدجاج او النجتز


 وللبان كيك مع صوص الشوكولاتة وصوص القرفة هي الفيديو



صوص الشوكولاتة بالمناسبة ممكن تستعملوها باي وصفة بدها صوص شوكولاتة :) وتحتفظوا فيها بالثلاجة


ولاني وعدتكم ووعد الحر دين عليه...هاد الخليط بيستاهل كل قؤش بيندفع فيه لانه بنعمل فيه اشياء كتيرة...اليوم رح احط وصفتين للمفن...واحدة عامة لاي نوع مفن بتحبوه وانا استعملت البلوبري (مجمد اشترتيه من فترة من سلكت) وممكن تستعملوا بداله الفراولة او اي نوع فولكة متوفر وممكن الشوكولاتة او رشة قرفة وزبيب وبنفس الكمية اللي انا حطيت فيها البلوبري...وهي اول وصفة


المفن بشكل عام بخلطة الخبز المتعددة الاستعمالات
المقادير:
2 كوب  من الخليط
بيضة
ملعقتين فانيلا
2/3 كوب سكر
2 ملعقة طعام زيت
2/3 كوب حليب
3/4 كوب بلوبري مفرز او طازج او اي نوع فواكة تفضلون

الطريقة:
تخفق البيضة، الفانيلا، السكر، الحليب والزيت
تخلط مقادير الخليط بالسوائل وتحرك لتختلط بالملعقة
تسكب في قوالب المفن وتوضع في فرن على 180 درجة من 12-15 دقيقة لتنتفخ وتنضج
تترك لتبرد على سلك معدني


والوصفة الثانية بزبدة الفستق والشوكولاتو تشيبس...مش معقول شو زاكي

مفن زبدة الفستق بالشوكولاتة تشيبس
المقادير:
2 كوب من الخليط
2 بيضة
2 ملعقة صغيرة فانيلا
2/3 كوب سكر
كوب حليب
كوب شوكولاتة تشيبس
1/2 كوب زبدة الفستق

الطريقة:
تخلط زبدة الفستق، البيض، الفانيلا، الحليب والسكر وتخفق
يضاف الخليط وتحرك بالملعقة الخشب ثم الشوكولاتة تشبس
توزع على الصنينة
تخبز على 180 من 12-15 دقيقة
تبرد على سلك معدني


Wednesday, September 10, 2014

الارز المفلفل باللحم وحليب جوز الهند ووصفات يوم السبت 9/6 على دنيا يا دنيا وقناة رؤيا بالفيديو


بالرغم من كل محاولاتي لاستعادة النشاط مؤخرا حاسة حالي بحاجة الى اما اجازة او جرعة فيتامينات من نوع قوي جدا لاستعيد نشاطي...جد عم بشتاق لمدونتي كتيير وللتواصل معكم اكتر والمشكلة انه عندي مليون اشي اشارككم فيه بس ما في وقت للكتابة مؤخرا...وما عم بقدر اسهر كتيير لاني يا دوب اصحى واجهز الكل للمدرسة وبعدين يدوب بقية اليوم قبل ما يوصلوا من المدرسة يكفي للمهمات الاخرى...وبعد الظهر انسوا الموضوع...لساتني بجلد كتب لهلأ لانه في كتب لسة عم تتسلم كل شوي...آه...الله يعين
هي وصفات السبت الماضي على دنيا يا دنيا بالفيديو

خبز التورتيلا 



صينية الارز المخبوزة بالجبنة



رولات الدجاج المخبوزة


السلطة المنوعة بالفاصوليا وصوص الكزبرة


واخيرا وليس آخرا ناتشوز القرفة بالفراولة وصوص الشوكولاتة


اما وصفة المدونة لليوم فهي الارز المفلفل باللحم وحليب جوز الهند...جربوها ورح تدعولي كتيييير زاكي



الارز المفلفل باللحم وحليب جوز الهند
المقادير
ملعقة طعام سمنة او زبدة
1/2 كيلو لحم خروف قطع كبيرة بدون عظم
2 بصلة مقطعة جوانح رفيعة
3 حبة ثوم مقطع شرائح
3 ملاعق طعام بودرة الكاري
علبة حليب جوز هند (400 ملم)
حبة فلفل احمر شطة شرائح (اختياري وانا ما استعملت)
مرق لحم (حوالي لتر)
1/2 كيلو ارز بسمتي مغسول جيدا بالماء
كزبرة خضراء (حوالي 1/2 كوب للوجة)
لوز مقلي للوجة

الطريقة:
ملاحظة (سنكمل طبخ الطبق بالفرن فيفضل استعمال قدر ممكن ادخاله للفرن او من الممكن اكمال الطبخ على الغاز)
نحمر قطع اللحم بالسمنة لتتحمر من جميع الجهات مع مراعاة عدم وضعها دفعة واحدة كي لا يخرج ماءها 
نرفع اللحم ونضع البصل ونذبلها عدة دقائق ثم الثوم وبودرة الكاري والفلفل الاحمر اذا استعملتيه
نعيد اللحم ويضاف حليب جوز الهند والمرق وتترك مغطاة على نار هادئة لينضج اللحم
نضع الارز مع مراعاة اضافة الماء الساخن اذا كانت كمية المرق لا تكفي لنضج الارز ونضبط الملح والفلفل الاسود وعندما يغلي ندخل القدر على فرن حامي  على 190 ونتركها حوالي 30-35 دقيقة ليتشرب الارز المرق وينضج
نفلفل الارز بالشوكة ونضع اوراق الكزبرة الخضراء واللوز المقلي على الوجة وتقدم مع السلطة واللبن والف صحة وعافية


تحديث..
انطلب مني نوع الرز اللي بستعمله..اسمه تيلدا وهي صورته وبغسله منيح من النشا وبنقعه 20 دقيقة...