Wednesday, December 31, 2014

My top 12 favorite kitchen tools: part two and Nabaki Harriseh اكثر 12 اداة بحبها بالمطبخ لل 2014 الجزء الثاني والهريسة النبكية

English Version of this post is below

اخر يوم بالسنة...كل سنة وانتو سالمين والله يجعل السنة الجاية سنة خير وسعادة وصحة وامان على الجميع...تايوم اعلنت اسم الفائزة بجائزة المدونة لشهر 12 وعي السيدة سماح ملص..الف مبروك سماح وان شاء الله تتهني بالاغراض وتستخدميهم لاكلات كلها حب وبالصحة والعافية...اليوم بدنا نكمل الجزء الثاني من الادوات المهمة بالنسبة الي بالمطبخ..

سابعا: خلاط الشوربة والصوص

هاد ما كان كتير مهم زمان بس مع تطور الوصفات كتير اسهل امه الواحد يستعمله ليطحن الشوربة بنفس الطنجرة ولا انه يقعد يسكب بالخلاط ويطحن على دفعات..الخ...يعني كتير اقل توسيخ وبكم دقيق بتطوني طحنتي كل الشوربة بالطنجرة



ثامنا: المعالق المطاطية السيليكون والفراشي

هدول وين كانوا من زمان؟ !!! ممتازين لتطلعي كل اشب من الصحن لما تنقلي الاكل من صحن لصحن او لتقدري تطلعي الاشياء من الزوايا وبالتالي اقل هدر للاكل وانظف بكتير من استعمال الايد وكمان النوعية المنيحة منهم ممكن تستعمل لتحريك الاكل على المقالي والطناجر غير اللاصقة وبدون تجريح...متوفرين وباسعار معقولة بكل محلات الادوات المنزلية بس مهم تنتبهوا انهم نوعية كويسة مش تذوب بالاكل..



تاسعا: مطحنة الاكل الميني

انا بحب هاي المطحنة كتير لانها صغيرة وممتازة لفرم بصلة او اي كمية خضار قليلة وبشكل ناعم واسهل بالتنظيف من الكبيرة لانه الواحد مش دايما بيعمل كميات من الخضار وبالتالي ما بيحتاج يستخدم الكبيرة...اروع اشي فيها هو فرم البصل ...بدقيقة بكون فارمة البصلة...وهلكت اهلها لهاي الآلة...مبين عليها؟!!! النوع اللي عندي Black and Decker



عاشرا: اكياس الكريما البلاستيك لاستخدام واحد وفوهات التزيين

هدول مهمين لاي ست بيت بتحب تزين..والحلو انهم بيستعملوا مرة واحدة وخلص ...لا اغسلي الكيس..لا نشفيه منيح قبل ما تضبيه لاحسن يعفن زي ما بيصير مع الاكياس اللي بتنغسل ولا غيره...وطبعا فوهات التزيين مهمين وانا بفضل الستانلس ستيل اكتر من البلاستيك لانها بتعطي شكل احسن وكتير انسألت عن هدول ومن وين بينجابوا وفي كتير محلات من محلات اللي بتبيع اغراض المطاعم وفي منهم صادق هوم بالدوار الاول وكمان المحمودية بمجمع جبر بشارع مكة


حادي عشر: موازين
هدول ممكن كتير ناس ما يحتاجوهم بس بصراحة الشغل المقادير بالوزن دائما كتير ازبط وادق وكمان في وصفات كتير تتطلب انه الواحد يوزن مثل المربيات مثلا...فبساعد يكون عندك وطبعا بالصورة في الميزان العادي (اللي عندي من البلد ب 10 دنانير الكتروني وبوزن بالغرام والاونصة  كمان) بس في ميزانين تانيين طوال واحد الكتروني بقدر استعمله لاقيس حرارة اي اشي من الفخدة المشوية للديك الرومي للدجاج وغيره وبقيس مئوي وفهرنعايت والثاني اللي اله اشي احمر هو للحلو Candy Thermometer ممتاز لعمل انواع الكراميل والكاندي والصوصات...ومتوفرين التنين بالسيفوي بالسابع بقسم الادوات المنزلية وسعرهم معقول فاللي بيعمل هيك وصفات رح يلزموه هددول الادوات


ثاني عشر: ورق الخبز والكفوف المطاطية


ورق الخبز شو ممكن احكي فيه؟!!! اختراع رائع للتخفيف من الدهون على الصواني وبيحمي البسكوت والكيك من التلزيق بالصواني والكفوف مهمين كتير بصراحة وخاصة لما الواحد بيشتغل باللحمة والدجاج وتغطيس الاشياء بالبيض والقرشلة...الخ

بهيك بكون انهيت اهم 12 اداة عندي بالمطبخ..طبعا عندي كتير اشياء تانية بس هدول اللي جد بحس ما بقدر استغني عنهم...

اما وصفة اليوم وهي الوصفة الاخيرة بال 2014 فهي تحت طلب رانية مع تحياتي لكل اهلنا بالغربة ...طلبت الهريسة النبكية او الهريسة بالفستق الحلبي وهي الطريقة


الهريسة النبكية
المقادير:
2 كوب سميد خشن
كوب سميد ناعم
 4 ملاعق كبيرة (ملاعق طعام اكل ) سمنة او زبدة مذابة
3/4 كوب حليب
1/4 كوب كريما (ممكن بداله حليب ليصير مجموع الحليب كوب)
2 ملعقة طعام ماء زهر
4 حبات مستكة مطحونة
كوب سكر
1/2 ملعقة صغيرة كربونات
كوب فستق حلبي مطحون خشن
للقطر:
2 كوب سكر
كوب ماء
2 ملعقة طعام عصير ليمون
ملعقة كبيرة ماء زهر

الطريقة:
تخلط كل مكونات الهريسة وتدعك جيدا ما عدا البفستق الحلبي
تقرد بصينية دائرية قطر 30 سم او اكبر قليلا لذا بتحبوها رفيعة مدهون بالقليل من الطحينية
تفرد العجينة ويسوى سطحها ويفرد الفستق الحلبي ويرص جيدا على الوجه. تقطع بالسكين وتترك مغطاة لترتاع 3-4 ساعات
يحمى الفرن الى 180 وتدخل الفرن ليحمر القاع ثم يحمر الوجة
اثناء الخبز بالفرن نحضر القطر بوضع السكر والماء بقدر على النار بدون تحريك وعندما يغلي نحرك لنتأكد من ذوبان السكر ثم نضيف الليمون ونتركه يغلي عدة دقائق ثم الماء زهر ويرفع
يسكب القطر الساخن على الصينية فور خروجها من الفرن وتترك لتتشرب كل القطر وتبرد تماما قم نعيد تمرير السكين مكان خطوط التقطيع وتقدم والف صحة.

ممكن الاستغناء عن ماء الزهر والمستكة والفستق لتصبح هريسة عادية
ممكن اضافة 1/4 كوب جوز هند في حال الاستغناء عن الفستق الحلبي وماء الزهر والمستكة


English Version of the post

This is officially the last post for me this year on the blog...it has been really fun talking to all of you all this time and for you putting up with all my electronic venting here...So let me continue part two of the topic I started yesterday about the top 12 favorite tools for me in the kitchen.

7. Hand blender
The hand blender is a time savor at all levels. It is so important now that I can't imagine having to puree any soup without it in the kitchen. Can you imagine having to pour soup in batches in a blender? Well, I am sure you have done it but having this little gadget is very handy for these jobs

8.  Rubber spatula's and brushes


These are fantastic..you know how difficult it was to scrape things out of a blender or all the batter of the cake from the bowl? Too much waste using the wooden spoons..these rubber things saved the day, they get to the tiniest places and get out all the food stuck in there not to mention the fact that you can stir food in a non stick pan without scratching it. Just make sure you get good quality ones that will last and won't melt in heat...

9. Mini food processor 


These are perfect for mincing a small onion, one kind of veggies..etc. This saves time and energy instead of having to use the big might food processor for small jobs. I can't imagine working in the kitchen without it especially when I am in a hurry. I have Black and Decker..its perfect.

10. Disposable decorating bags and nozzles


If you love to bake cakes and decorate desserts, then you will love these. They ensure that you get the job done with minimum amount of clean up and frustration. I get mine from different places in Amman, if you would like to know some are Sadiq home on 1st cirlce and Mahmodia in Jaber complex.

11. Thermometers and scales 


To ensure the best results while baking, scales are the best bet. I got mine for 10 JDs from Down Town Amman and its electronic. It weights both in grams and ozs...no complaints here...love it. The other two I use for measuring temp of cooked meats and a candy thermometer. If you don't make these kinds of foods then you might get by not having these in your kitchen...I know I can't :)

12. Baking paper and rubber gloves


What an invention!!! Both are so important. Baking paper has saved me tons of time in cleaning baking sheets not to mention ensuring no sticking accidents of cookies or cakes. I love rubber gloves too for dirty jobs like breading meats and cutting chicken.

As for today's recipe, it was a request from Rania who lives in the US...she wanted to know how to make Nabaki Harriseh...The great semolina dessert soaked in sugar syrup and loaded with green pistachios...here is how...



Nabaki Harriseh
Ingredients:
2 cups course semolina
1 cup fine semolina
1 cup sugar
1/2 tsp baking soda
4 pieces of mastic (ground)
2 Tbsp orange blossom water
4 heaping Tbsp ghee or butter , melted
1/4 cup cream
3/4 cup milk
1 cup coarsely ground pistachios
Sugar syrup:
2 cups sugar
1 cup water
2 Tbsp lemon juice
1 Tbsp orange blossom water

Directions:
Mix all Harriseh ingredients except the pistachios together and spread in a 30 cm diameter non stick pan or you can spread some Tahini to prevent sticking.
Add pistachios on top and using the palm of your hands make sure you press pistachios well to the semolina mixture.
Cut into squares or shapes you like and let it rest for 3- 4 hours covered
Heat the oven to 180 c and bake.
During baking time prepare sugar syrup by mixing sugar and water in a pan over high heat without stirring. When it comes to a boil and the sugar is melted add lemon juice and let it boil for 2 min then add orange blossom water and take off heat.
Once the Harrisah is brown from the bottom, grill the top to golden brown then take out of the oven. Immediately pour hot syrup and let it soak it till the whole thing is cold completely.
Once cold, run your knife across the lines you made previously before baking and serve.





18 comments:

  1. يسلم هالايدين
    حبيبتي منال
    هي مدينتي
    واكتر حلو مشهورة فيه
    شكرا الك

    ReplyDelete
  2. كل عام وانت بألف خير يا رب ومبروك للسيدة سماح ملص. كنت اتمنی افوز عشان اشوفك شخصيا ان شاء الله في المرات القادمة

    ReplyDelete
  3. منال الله يسعدك ويجبر بخاطرك زي ما دايما بتجبري بخاطري لو تعرفي شو.فرحتيني الله يسعدك ويعطيكي ليرضيكي مواه ﻣﻮﺍﻩ

    ReplyDelete
  4. كل عام وانتو بخير جميعا والف مبروك ونيالك بالهدايا بجننو ما شاء الله وعقبالي بالمرات القادمه ^_*
    ويعطيك العافيه منال

    ReplyDelete
  5. مبارك عليكم السنه الجديده وكل عام وانتو بألف خير جميعا وسنه سعيده وتتحقق فيها كل الامنيات ومبارك لاختنا سماح الهديه التحفه وتستخدميها بالهنا وحبيبتنا الست منال الله يديم عليكي الصحه والعافيه ويخليلك عيلتك وتتحفينا بوصفاتك الروعه عطوووووووووول

    ReplyDelete
  6. الله يسعدك ويجبر بخاطرك زي ما انتي دايما بتجبري بخاطري وكل سنه وانت.سالمه.

    ReplyDelete
  7. منال ازا بتعملي.مسابقه لاكتر واحده بتطلب وصفات بفوز انا من.غير منافس ﻋﻬﻬﻬﻪ

    ReplyDelete
  8. مبروووك لسماح و عقبال الجميع بالمرات الجاية... مدونتك يا منال صارت ادمان عندي.. لازم كل يوم افتحها ..حتى بدون مسابقة :-)

    ReplyDelete
  9. يسعدكم جميعا وكل سنة وأنتو سالمين

    ReplyDelete
  10. كل سنة وانتي سالمة شيف منال.ممكن اسال الحقنة اللي بينحقن فيها الديك الرومي بالزبدة من وين بتنشرى. وكم لازم تكون حرارة الميزان لنعرف انه الديك استوى ولا لأ.

    ReplyDelete
  11. اهلًا رزان بتكون موجودة بمحلات الأدوات المنزلية وبتستعمليها بتضلي بتاخدي من عصارة والمي تبعت الشوي ليضل طري وميزان الحرارة لازم ينغرز عند أثخن جزء من الفخدة ويسجل ٨٠ مئوي او ١٨٠ ف

    ReplyDelete
  12. حبيبتي منال دايما بتغلب في انواع السميد يعني انا بعرف خشن العادي متل الغزال وهيك والناعم اللي بيجي شبه باودر هيك مزبوط ولا كلامي غلط بقرا سميد فرخه وناعم وخشن مو عارفه شو الفرق بيناتهم ممكن تساعديني
    وبالنسبه للدهن ادوب واعير ولا العكس

    ReplyDelete
  13. اهلًا منار... بالنسبة للميد الهريسة بالذات يفضل فيها الخلط مش ناعم بس مشان تنفش انا بستعمل سميد الزهراء وفيه منه خشن وناعم اما كمية السمنة انا بعير بعدين بذوب

    ReplyDelete
  14. يعني بكون مكتوب ناعم وخشن ع الباكيت من بره اكيد
    طب والسميد اللي بيجي نفس البودره هو نفسه الناعم قصدك غلبتك حبيبتي سامحيني

    ReplyDelete
  15. ولا يهمك منار معك حق لانه مرات ما ليكتبوا بس هاد النوع مكتوب والفرحة نفسه الناعم بالمناسبة

    ReplyDelete
  16. شكرا كتير لزوءك منول هيك تمام عرفت يعني بهالوصفه بتسعمل فرخه وخشن صح وكمان استفسار الميزان من وين بالبلد انا شفت متلهم بس صراحه اسعار خياليه بين 50 - 75

    ReplyDelete