Sunday, October 19, 2014

الزيتون ...من اروع ما يكون...

من اكتر الاشياء المحببة لقلبي بهالوقت من السنة هو انه موسم الزيتون...



شجرة مباركة ورمز العطاء اللا متناهي...ما بدها عناية كتير...هي شجرة صلبة وقوية زي كتير ناس بعرفهم بالدنيا هاي...حر وشتاء...برد وشمس حارقة ولسه خضراء وبتعطي كل سنة من خير الله وخير الارض...بتزكرني بأمي الله يعطيها الصحة والعافية...وابوي الله يسعده ويرضى عليه...

طبعا زوجي يمكن ما بوافقني الرأي ...هههههه لاني بحسه بيتعب هاي الفترة وهو يشوف من رح يلقط الزتونات بالمزرعة وعصرهم ومرات بيكون النتيجة منيحة ومرات يدوب كم تنكة ووصل وجيب...ههههه بس انا بكون مبسوطة بالنتيجة النهائية....زيت صافي ما شاء الله من خير رب العالمين..لا مواد كيماوية ولا ما يحزنون...



وكمان زيتون اخضر واسود...من مختلف الاحجام والانواع...


ولاني بهالفترة انطلب مني وبقوة طريقة عمل الزيتون فرح اشارككم كم وصفة بتمنى تعجبكم ان شاء الله... همه في الواقع من امي...



اولا عمل
المحلول الملحي:
ملعقة طعام ملح لكل لتر ماء ونذيبة ليختفي الملح ونقيس صحة المقدار باختبار طريقة طوشة البيضة..اي نضع ملح ونذيبة بالماء ونضع بيضة مغسولة جيدا في الماء لتطفو بمقدار حجم 10 قروش تقريبا منها على السطح وان لم يظهر نزيد ملح وان كان اكثر نضيف ماء)

الزيتون الاخضر
المقادير:
كيلو زيتون اخضر
2 حبة ليمون
ملح حسب الحاجة
2 قرن فلفل حار حسب الرغبة
قليل من زيت الزيتون
ورق زيتون ان وجد

الطريقة:
يغسل الزيتون جيدا ويصفى
يرص باداة ثقيلة مثل الهاون (زمان كانوا يستعملوا الحجر) او يشق 3 مرات بالطول
نضع الزيتون بماء مملح بشكل يظهر فيه الملح وننقعه مع تغيير الماء صباحا ومساءا لمدة 5-6 ايام
نرصه بالمرتبانات بالتناوب مع الفلفل والليمون والقليل من عصير الليمون وممكن وضع الكركم للون الاصفر ونسكب المحلول الملحي ونضع طبقة من زيت الزيتون واوراق الزيتون على الوجة لمنع الهواء وعزله ويغلق جيدا ويترك في مكان معتم (ويحتاج الزيتون لمدة مختلفة للتحلية والنضج حسب النوع)
ملاحظة: ممكن اضافة 2 ورق غار واكليل الجبل (الروزماري) او الزعتر حسب الرغبة
وطبعا الفلفل


الزيتون الاخضر المحشي
يغسل الزيتون ويزال البذر منه وينقع بالماء والملح مدة 5-6 ايام مع تغيير الماء عليه ليحلى
نقطع جزر الى قطع صغيرة ونحشي به الزيتون المصفى من الماء بمكان النواة ويغمر بمحلول ملحي وقطع ليمون 

 الزيتون الاسود العادي (المفضل عندي وكنت مرات آكل على العشا فوق ال 25 زيتونة وبدون مبالغة)
المقادير:
كيلو زيتون اسود
لتر ماء
ملعقة كبيرة ملح
زيت زيتون
حبة ليمون كبيرة

الطريقة:
يغسل الزيتون جيدا
تشرح كل حبة 3 شرحات بالطول
تنقع بالماء من 6-7 ايام مع تغيير الماء مرة صباحا ومرة مساءا لتحلية الزيتون
يصفى جيدا من الماء
نرشة بالملح ونضعه بكيس خيش او قماش ويترك 3 ايام ليتصفى منه الماء
يعرض للشمس ليجف عدة ساعات او يجفف بقطعة قماش ويرص بالمرتبان بالتناوب مع قطع من حبة الليمون ويغمر بالزيت 

ملاحظة: اذا قمت بعمل كمية كبيرة رصيه بالزيت بدون الليمون لكي لا يطرى...وضعي قدر حاجتك بمرتبان صغير مع الليمون للاستعمال وكرري العملية كلما انتهت الكمية

الزيتون الاسود الجرجير
يغسل الزيتون جيدا ويرش بكمية جيدة من الملح ويقلب ويوضع في كيس خيش او قماش بمسام واسعة او مصفاة للسماح بخروج الماء ويقلب يوميا ويحتاج الى فترة قد تصل الى شهر والاختبار له يكون بفتح حبة فاذا كانت خالية من الماء والعصارة وحلوة اذن فهو جاهز للكبس 
يغسل بماء ساخن للتخلص من الملح الزائد ويصفى ويوضع بالشمس ليجف ان امكن او يجفف بقطعة قماش ويرص بالمرتبان مع حبة ليمون مقطع لكل كيلو ويغمر بزيت الزيتون... 



وعلى المدونة في كتير وصفات بالزيتون منها



6 comments:

  1. انا اول مرة بحياتي بعمل زيتون واخترت الاسود وماما ربنا يخليها هي اللي بتعطيني كل سنة مونة الزيتون وطريقتها بالزيتون الاخضر والمحشي نفس طريقتك بس بالاسود في اختلاف

    ReplyDelete
  2. الزيتون طيب كتير وسبحان الله في كل منزل الو طعم شكل مع انو نفس الطريقة

    ReplyDelete
  3. انا بعتبر زيت الزيتون دوا لكل شي ووجبة متكاملة
    سبحان الله جعلنا النا هذا الغذاء المفيد

    ReplyDelete
  4. مرحبا منال. انا جربت الزيتون الأسود وًانا اول مرة بعمل زيتون. بس طلع ما في اي ملوحة. كيف ممكن ازبط الموضوع. شكرًا. دانة

    ReplyDelete
    Replies
    1. دانا كبستيه بمي وملح ولا بزيت ؟

      Delete
    2. بزيت منال. يا ريت بزبط 😫😫

      Delete