Monday, May 19, 2014

Turkish Potato and meat patties اقراص اللحم التركية بالبطاطا

Note: The English Version of this post is below



الي فترة ما زبط اقعد مثل البشر على الكومبيوتر والسبب عطل في خط الانترنت واللي اتصلح امبارح الظهر واخيرا...وبنفس الوقت ما عندي حد يساعدني بالبيت بعد سفر البنت اللي كانت عندي واللي بحب اعلن للجميع اني في قمة السعادة اني عم بشتغل بايدي...الكل بيقولي انه لسة ما صرلك وقت..الحقيقة بكرة بيصير اسبوع والامور مش بس عال...وتمام التمام كمان...حتى الاولاد بيقولولي انه الصبح بيحطوا الاشي على الغسيل وبيرجعوا من المدرسة بيلاقوه مطوي وبيستناهم يحطوه بالخزانة...على فكرة مع البنت كان ينام الغسيل يومين ثلاثة بالرغم من الطوش والخناقات على هاد الموضوع...ومش بدي اكون لئيمة بس مرات كتير كنت احس الشغل كتير ويمكن عشان هيك هي مش ملحقة (وهاد وانا مسؤولة عن الغسيل وهارون وضب الاغراض وتعزيل الثلاجة والاشراف على التعزيل وغيره...) بس هلأ كله فوق راسي ومع ذلك كل شي تحت السيطرة والحمد لله والبيت نظيف وتمام والكوي بينكوى اول باول والجلي والغسيل كله اول باول حتى عم بحس انه بالبيت في توطيد للعلاقات بينا اكتر بعدم وجود شخص غريب ومساعدة الاولاد بدا من اتكاليتهم بوجود البنت وكمان انا انشط وحاسة حالي بعرف بيتي وشو في عندي اغراض وشو لازمني...وانا متأكدة انه اذا استمر الوضع رح تنزل فاتورة المي والكهرباء وادوات التنظيف وغيره...انا طلبت وحدة من قبل اللي عندي ما تركت ويفترض تيجي بعد 8 ايام...مش متحمسة ابدا وزوجي بيأكدلي انه بيفضل وجودها لانه مش قادر يشوفني بعمل كل الاشياء اللي بعملها لحالي...الحقيقة محتارة...الله ييسر الامور ويختارلي الافضل...

ومش لانه ما في حد يساعدني يعني ما في طبخ بالعكس...كله برضة تمام وسبب تأخري عليكم بالبوست للوصفة الرابعة للمقبلات هو الانترنت وعطله الفترة الاخيرة...مقبلات اليوم تركية الاصل وهي عبارة عن اقراص لحمة مفرومة مع البطاطا مقلية ...

اقراص اللحم التركية بالبطاطا
المقادير:
250 غم لحمة خروف مفروم
ملعقة طعام سمبد ناعم
حبة بطاطا صغيرة مبشورة
بشر 1/2 برتقالة
3 حبات ثوم مهروس
ملح، فلفل اسود، بهار، قرفة وكمون

الطريقة:
تعجن كل المقادير وتترك لترتاح ساعة بالثلاجة
تكور او تضغط كأقراص وتقلى بخليط من زيت الذرة وزيت الزيتون (زيت غزير)
تقدم مع اللبنة والبقدونس
وصحتين



The internet was off for about 3 days in the past week. It sucked big time as I couldn't log on to the blog and write something..anything...Luckily it was fixed yesterday noon time but I was outside Amman so didn't blog either. Now that all is back to normal, I find my self a bit busier than before due to the fact that my house helper has left to her country around a week now. I thought things will go nuts but surprisingly all is well. The house is very clean, kids are very helpful and all is going well. Cooking is going just fine with the lack of help. Today I will continue with recipe number 4 in the appetizers category...Turkish Potato and meat patties that are delicious with a dollop of sour cream drizzled with extra virgin olive oil.

Turkish Potato and meat patties
Ingredients:
250 g ground lamb 
1 Tbsp fine semolina flour
zest of half an orange
1 small potato, peeled and grated
3 cloves of garlic, minced
salt, pepper
A sprinkle of all spice, cumin and cinnamon

Directions:
Mix all ingredients together and let it rest in the fridge for an hour.
Make into patties of the size you want. Deep fry in a mixture of vegetable oil and olive oil.
Serve with sour cream on the side or on top
Garnish with chopped parsley.
Enjoy both hot and cold.






2 comments:

  1. يعطيكي الف عافية
    بصراحة موضوع عاملات المنزل موضوع بحييير كتتير
    والله اوقات الوحدة فينا بتتمنى وجود وحدة تساعدها من كتتر شغل الببيت
    بس بصراحة بتحسي انو في حدا غريب باللبيت وكمان بتحسي الاسرة بتتعاون مع بعضها بالشغل وما بتعودوا على الكسل
    يعني كل شي الي ميزات ومساوئ
    الله يختارلك الخييير
    وبالنسبة لللوصفة انا بعملها كتير للاطفالي
    سهلة وبسيطة وطيبة

    ReplyDelete
  2. يسلمو ع الوصفة وبعتقد ممكن نحطها مع صوص طماطم زي داوود باشا بس طبعا مع البطاطا بطلع طيب ع مااعتقد

    ReplyDelete