Wednesday, March 26, 2014

Freekeh Risotto and Pomegranate Orange Drink اساسيات عمل الريزوتو وريزوتو الفريكة وشراب الرمان بالبرتقال

اولا بحب انتهز الفرصة واشكر كل اللي بيشاركوني افكارهم وبيتفاعلوا معي على المدونة...تشجيعكم بيعنيلي اشي كتييير وبيخليني اسعى لتقديم اشياء اكتر واكتر لانكم بتستاهلوا...شكرا جزيلا...

من فترة لما كنت بعمل دروس طبخ اجت سيرة مطاعم بتقدم ريزوتو الفريكة...حبيت الفكرة كتيير لاني من محبي الريزتو ومن محبي الفريكة وفكرة جمع الجانب العربي والايطالي فكرة رائعة...والموضوع صار اله زمان وبقول لحالي بدي اعمل ريزوتو الفريكة...ولاني عملت كتير انواع ريزتو بالفطر وبالقرع والفول والبازيلا الخضراء وبالشمندر بعد ما اكلته بمطعم



كنت لازم احط شمندر كمان مشان يطلع لونه وردي مثل اللي اكلته بالمطعم...لما ازبطها تمام بشارككم الوصفة بس الطعم رائع...

وللي ما بيعرف شو هو الريزوتو فهو طبق رز ايطالي مخبص... طبعا لو يسمعوني الطليان بيقتلوني بس هادي هي الروعة بالموضوع...والسر للتخبيص واللي بيعطي اي طبق ريزوتو تميزه هو عدة اشياء اهمها استخدام نوع ارز قصير الحبة وفيه نشا منيح...وكمان انه ما بينتقع قبل الطبخ زي ما بنعمل بالرز تبعنا وطريقة الطبخ اللي بتعتمد على التحريك المستمر واضافة سائل الطبخ سواء كان مرقة او مي شوي شوي ليطلع النشا من الرز ويساعد انه يخبص...
اذن..(حاسة حالي بدرس!!!) الريزوتو بيتميز بطريقة طبخة المختلفة عن الرز المفلفل وكمان بانه مخبص والطريقة الاصلية بتؤكد ان ما يكون منهي استواء...يعني لازم الجبة تكون واقفة شوي صغيرة...

ونوع الرز المستحدم اصلا هو (ألاربوريو) متوفر بكل السوبرماركتات بس غالي...بس ولا بيهمني!!!
المصدر: http://arborio-rice.com

جربته برز عادي زي فلفليهم او صن وايت وطلع سوبر...مما يعني المزيد من اطباق الريزوتو بالبيت..بالنسبة الي اكل هاد الطبق هو قمة الشعور بالسعادة...اول مرة اكلته كان باوستن تكساس بمطعم اسمه Mezzaluna  (بتعرفوا شو هي ال ميزالونا؟)...مفرمة الملوخية...طبق الريزتو كان رائع ومن يومها وانا من معحبي اي نوع ريزوتو...لازم يوم اعمل نفس الطبق واشارككم الوصفة...

وبالرغم من انه البعض بعتقد بانه عمل الريزوتو اشي صعب بس هو مش هيك ابدا...بس بده صبر وكمان بمجرد ما تعرفي المبادئ رح يكون من السهل عليكي تعملي اي نوع...

القواعد العامة لعمل الريزوتو:
1- حكينا الرز ما بينتقع
2- سائل الطبخ بيكون على نار حفيفة على جنب وبينضاف بالتدريج وبيتحرك الخليط بالستمرار لضمان خروج النشا وما بنضيف مرق كمان الا لما يكون تشرب الريزوتو الكمية الموجودة اصلا.
3- بينضاف جبن البارمزان بالنهاية للارز
4- بيتاكل سخن وما بينعمل قبل بوقت...آسفة بس ما في طريقة اغير هاد الموضوغ

والكلام هاد بينطبق على الفريكة.

ريزوتو الفريكة
المقادير:

علبة فطر طازج مقطع شرائح
1/2 كوب جبنة بارمزان
2 ملعقة طعام زيت زيتون
بصلة صغيرة مفرومة ناعم
1 ثوم مهروس
2 جزرة متوسطة مبشورة
3 كوب مرق دجاج او اكثر
كوب فريكة خشنة
ملح، فلفل اسود
بقدونس مفروم للوجة

الطريقة:
في مقلاة واسعة يوضع زيت الزيتون وتقلب البصلة لتذبل
في هذه الاثناء يوضع مرق الدجاج ليسخن تماما على نار هادئة ونبقي الحرارة منخفضة ليبقى ساخن طوال مدة الطبخ
نضيف الثوم والفطر للبصلة والقليل من الملح والفلفل الاسود ونقلب ليذبل الفطر قليلا
نضيف الجزر ونقلب
نضيف الفريكة ونقلب دقيقة ثم نضع 2 مغرفة من مرق الدجاج ونخفض الحرارة للمتوسطة ونحرك بين الحين وىلآخر لتشرب الفريكة كل الرق
ثم نضيف مغرفة اخرى ونحرك
ونظل نعيد الكرة لتنضج الفريكة (ممكن تحتاجوا المزيد من المرق) ويجب ان تكوت مخبصة قليلا وناضجة
نضع الجبنة ونحرك
تقدم فورا مرشوسة بالبقدونس
وصحتين



ولانه الصيف قرب...حبيت احط طريقة شراب الرمان والبرتقال... وهاي لعيون روان العتوم...شكرا روان دايما على التعليقات اللطيفة والمشجعة...

شراب الرمان والبرتقال
المقادير: 
لتر عصير رمان (ممكن طازج بانك تجيبي رمان حلو وتعصريه) انا استعملت نوع سيزر (جاهز)
2 علبة ميراندا (النوع الرفيع)
كوب عصير برتقال
شرائح برتقال
رمان من 1/2 رمانة مفروطة

الطريقة:
تخلط كل المقادير وتترك ربع ساعة لتتمازج النكهات قبل التقديم
وصحتين




English Version
I would like to take this opportunity to thank all of you who have been following this blog, reading my endless e-blabber and interacting with me on this cyber space...your words, comments and following means a lot to me and makes me want to do my best to live up to your expectations...so thank you indeed.

A while back when I used to give cooking classes, some ladies mentioned a restaurant or two in Jordan serving Freeheh Risotto...what a great idea I thought!!! Combining the Italian classic with the earthy grain. And since I love risotto and of course love freekeh, I decided I need to try it as soon as I can. Well....lets say it has been a while and I made many risottos since then including mushroom, pumpkin, green peas and beets risotto (I had a great one in Dubai) but I need to retry the recipe and add more beets to get a more vibrant beety color...but that is another story. So after all has been said, I was determined to try the freekeh risotto soon.  


And to some of you who might not be familiar with risotto..its a classic Italian rice dish ...gooey kind...I am not sure if Italians would be offended by the word gooey but I think that there is where the beauty and 
 deliciousness of this dish  
  The secret behind this is to use a short grain starchy rice, not to soak the rice before cooking like we do for pilafs and to keep stirring while the dish is cooking....
So, risotto is unique in the way it is cooked and the fact it has to be a bit aldente  (under cooked) with a bit to it

Originally, Italians use Arborio rice, it is available in most supermarkets in Amman yet it is quite expensive. So I experimented with our regular rice (Falfleehum or Sun white) and both worked fabulously 
Source: http://arborio-rice.com

I remember the first time I ate risotto was in a Mezzluna restaurant in Austin, Texsas...since then I was hocked baby...it just tasted amazing and the ultimate comfort food. I shall try to make the recipe from memory and  will share it 

Many people might feel intimidated to cook risotto..don't be. It only requires patience and around 20 -30 
min of baby sitting your pan on the stove.
:So to sum it up, the general rules in making risotto are

Rice is not soaked- 
A pot of hot stock or water should remain by the side of your cooking pan to keep adding liquid after the rice absorbs it fully
Parmesan cheese is usually added at the end to finish the taste- 
It should be served hot...no waiting sorry..I don't make the rules
All of this applies to Freeheh...

Freekeh Risotto
Ingredients:
2 cups of sliced fresh mushrooms
2 Tbsp of olive oil
1 small onion, finely chopped
1 clove of garlic, minced
2 medium sized carrots, grated
1 cup coarse freekeh (cracked wheat)
3 cups chicken stock (you might need more)
1/2 cup Parmesan cheese
salt, pepper
minced parsley for garnish

Directions:
In a wide and large skillet, put olive oil and saute onion till translucent. In the mean time heat chicken stock and let it simmer over low heat (you need to keep the liquid hot during the cooking process)
Add mushrooms and season with salt and pepper
Cook till mushrooms soften a bit then add garlic and carrots.
Add freekeh and stir for a minute. 
Add 2 ladles of chicken stock and stir, reduce heat to medium and continue stirring occasionally till all liquid is absorbed. Add another ladle of stock and continue the same process till freekeh is cooked through. 
Add Parmesan cheese and serve with a sprinkle of parsley on top...
Enjoy!!!



And because summer is almost here, how about a different cold drink...Pomegranate Orange Drink

Pomegranate Orange Drink
Ingredients:
1 Liter pomegranate juice (I used Ceasar) but you can squeeze the juice out of fresh pomegranates 
3 cans (thin kind) of Orange carbonated drink line Miranda
Seeds from half of a pomegranate
Orange slices
1 cup fresh orange juice

Directions:
Mix all ingredients and let them sit for 15 minutes so the flavors will blend.
Serve cold.



12 comments:

  1. صباح الخير منال من زمان نفسي اعمل الريزوتو شكرا منال على كل افكارك

    ReplyDelete
    Replies
    1. اهلا تغريد...يالله بدنا همتك واعملي شير للصور...

      Delete
  2. بوست رائع و فكرة حلوة و جديدة
    و يسلمو كتير على العصير اكيد لازم اجريه قريب

    ReplyDelete
  3. صار عندي ادمان انه كل يوم لازم ادخل عندك عالمدونه :)
    عجبتني قصة القواعد العامة.. لأنه قرأت كتيير وصفات من قبل ما كان فيها هاي النصائح بهاي الدقه.. وصراحة منظر العصير عالصبح لا يقاوم.. و من زمان بدي أسألك مين بصورلك؟؟ الصور كلها تصوير باحتراف وذوق وفن و طبعاً روعة أطباقك و تقديمك الراقي هواكيد كمان أساس جمال الصور..

    ReplyDelete
  4. بتمنى تجربيه كتييير زاكي..وشكرا على الاطراء لانه انا اللي بصور :)

    ReplyDelete
  5. عصير الرمان والبرتقال مممممم انتعاش

    ReplyDelete
  6. انا اوقات كتيير بطبخ نفس هدا الرز ههههههههههههه
    قصدي لما افلفل رز بطلع معي مخبص هههههههههه ويا سلام شو بكون طيب
    يلمواا ايديكي

    ReplyDelete