Sunday, March 9, 2014

شوربة الشوفان بالبندورة وشوربة الشوفان البيضاء بطقس المرض

للاسف جو المرض مسيطر على البيت...هارون وياسمين ... انفلونزا ورشح وتعب شديد...والمشكلة انه امتحانات الشهر الاول بدت...الله يعين...

بتمنى تكونوا قضيتوا عطلة حلوة مع العيلة...عطلتنا كانت صعبة بسبب المرض وقضيناها بالبيت والكمادات وبين الادوية وعلى المستشفى مرتين بسبب ارتفاع الحرارة...الحمد لله على كل حال..

وبهالجو المرضي ما بيخطر على بالي اشي لحسن من صحن شوربة ساخن يخفف حدة التهاب الحلق ويدفي..هاليومين الماضيين عملت شوربتين بالشوفان,,,واحدة بيضاء والثانية بالبندورة والمعروفين باسم شوربة كويكر مع انه كويكر اسم شركة من منتجاتها الشوفان..وكلمة كويكر بالاصل ومعناها الاصدقاء بترجع لجماعات من الناس بالغرب عاشوا بمجتماعات شبة مغلقة وبيجمعها نمط معيشي ديني معين وبيعتمد على البساطة...المهم احنا مش بدرس تاريخ بس حبيت احكيلكم شو يعني كويكر... :)

شوربة الشوفان بالبندورة
المقادير:
1/2 كوب شوفان
مكعب مرق دجاج
1/2 كوب كريما
2 ملعقة طعام زيت زيتون
2 علبة بندورة مقطعة (ممكن الاستغناء عنها ببندورة حمراء طازجة حوالي 8 حبات وسط مقشرين)
سن ثوم
ورقة غار
2 كوب ماء
بصلة كفرومة ناعم
ملح، فلفل اسود، رشة بهار، رشة قرفة، رشة هيل، رشة كبش قرنفل
ملعقة صغيرة سكر
ملعقة طعام رب بندورة
ملعقة طعام عصير ليمون

الطريقة:
يقلب البصل بالزيت ليذبل ثم يضاف الثوم
تضاف البندورة وتقلب 3 دقائق
يضاف الماء والشوفان ومكعب مرق الدجاج والملح والبهارات والسكر وورقة الغار وتترك لتغلي ثم تخفض الحراة وتترك لتنضج 25دقيقة
ترفع ورقة الغار وتخلط بالخلاط او بخلاط اليد
تعاد للنار وتضاف الكريما وعصير الليمون
ملاحظة: في حال الرغبة بالاستغناء عن النكهة العربية يمكن تحويل الشوربة تماما الى شوربة بندورة بالكريما واستبدال البهارات بالفلفل الاسود والريحان الجاف فقط




والتانية...
 شوربة الشوفان البيضاء

المقادير:
8 ملاعق طعام شوفان
كوب ماء
4 اكواب مرق دجاج
بصلة متوسطة مفرومة ناعم
ملعقة طعام زبدة
عود قرفة وسط
1/2 ملعقة صغيرة من كل من: كبش قرنفل مطحون، هيل مطحون، فلفل اسود
1/2 كوب كريما سائلة

الطريقة:
توضع الزبدة في قدر على النار وتقلب البصلة لتذبل
يضاف المرق والبهارات كاملة وتترك لتغلي 5 دقائق لتأخذ نكهة البهارات
يذاب الشوفان بالماء ويضاف للكل وتترك اتغلي على نار هادئة حوالي 20 دقيقة
يرفع عود القرفة ونعدل الملح والفلفل الاسود وتضاف الكريما لتسخن ولا تغلى
وتقدم



6 comments:

  1. سلامه هارون وياسمين والله هذا الطقس كله امراض انا ابضا اعاني من الرشح والتهاب الحلق
    شكرا اك على الوصفات وعلى الوقت الذي تخصيصه للكنابه رغم انشغااك بمرض الاولاد
    اليوم جربت وصفه الارز بالبرتقال والكاجو طلعت روعه جداااا

    ReplyDelete
  2. الله يرضى عليكي يا سوزان ويسلمك وسلامتك...الحمدلله اللي شتيت عشان يخف المرض باذن الله...كتير مبسوطة انه عجبك الرز والف صحة وعافية...

    ReplyDelete
  3. الف سلامة عليهم ان شاء الله
    وفعلا بالشتاء ومع مرض الرشح والتهاب الحلق احسن شي الشوربات

    ReplyDelete
  4. سلامتو مايشوف شر يارب ويسلمو ايديكي ع الوصفة

    ReplyDelete
  5. يسلموا كل وحده ازكى من التانية جربتهم بيشهوا فعلا و الشوفان مفيد وصحي و زاكي

    ReplyDelete
    Replies
    1. بس بدل الكريما كنت أحط حليب و يطلع زاكي

      Delete