Thursday, January 23, 2014

بهارات التاكو المنزلية و اسباجيتي التاكو

قديش منا بياخد امور صغيرة بشكل عادي وكانها امور عادية... تجاربي السابقة وخاصة السنة الماضية علمتني قديش اقدر الاشياء الصغيرة اللي غيري ممكن يتطلع علي وباستغراب من كتر سعادتي فيها...بس طبيعة الانسان ما بيقدر الاشي الا لما يمر بمحنة او يفقده لا سمح الله...يا رب خلينا من الناس اللي بتحمد وبتشكر فضلك علينا بكل شي وخاصة الاشياء الصغيرة اللي بنمر عليها مرور الكرام...

لساتني عم بعاني من فرق الوقت وما عم بنام قبل ال 3 الصبح...مشكلة ...!!!! لانه هارون بيصحى على ال7:30..عم بيصير شكلي مثل الزومبي حاليا...بس بالنظر للجانب الايجابي من الامور عم بحاول اعمل الاشياء المتراكمة علي بالليل مع انه مش سهل الواحد يشتغل من غير صوت...كل هاد ما بيخليلي وقت اعمل اشياء جديدة على صعيد المطبخ والجأ لاي اشي سهل وسريع...اسباجتي التاكو من هاي الاكلات خاصة اذا كنت مجهزة مرتبان من بهارات التاكو جاهز في خزانة المونة...انا بعمل الخلطة بالبيت لسببين:
اوفر (لانة دايما عندي البهارات) و طازة اكتر ... وهي الوصفة



بهارات التاكو المنزلية
المقادير:
1/2 ملعقة صغيرة بودرة الثوم
1/4 ملعقة صغيرة بودرة البصل
1/4 ملعقة صغيرة زعتر
1/2 ملعقة صغيرة بابريكا
1/2 1 ملعقة صغيرة كمون
ملعقة صغيرة ملح
ملعقة صغيرة فلفل اسود
1/2 ملعقة طعام طحين

الطريقة:
تخلط معا وتستعمل باضافة 1/2 كوب ماء فوق اللحم

اما الاسباجتي

 فهي وصفتها
اسباجيتي التاكو
المقادير:
400 غم معكرونة اسباجيتي مسلوقة
ملعقة طعام زيت زيتون
بصلة متوسطة مفرومة ناعم
250 غم لحم مفروم (ممكن تحطي اكثر)
مقدار من بهارات التاكو
1/2 حبة فليفلة خضراء مفرومة
1/2 حبة فليفلة حمراء مفرومة
علبة بندورة مطحونة على الخلاط
1/4 ملعقة صغيرة بودرة الثوم
2 ملعقة طعام رب بندورة
كوب ماء
ملح و فلفل اسود
علبة ذرة مصفاة
كوب جبنة شدر مبشورة
كوب جبنة موزريلا مبشورة
1/3 كوب شرائح زيتون اسود
اختياري:
صلصة مكسيكية، جواكمولي، خس

الطريقة:
يوضع الزيت في قدر ويقلب البصل ثم اللحم لينضج وتضاف بهارات التاكو وتملح وتبهر
تضاف الفليفلة وتقلب لدقيقتين
تضاف البندورة والماء وبودرة الثوم ورب البندورة وتترك لتتسبك من 7-10 دقائق (ممكن اضافة الماء اذا احتاج الامر)
تضاف الذرة
تضاف المعكرونة وتخلط جميعا وتوضع في صحن للفرن
ترش بنوعي الجبنة والزيتون على الوجه
تخبز من 20-25 دقيقة على حرارة 350 او 180 مئوي
وصحتين


3 comments:

  1. السباغيتي منظرها لا يقاوم مااطيبك منال بهارات التاكو بتنعمل بدقيقة طلعت يسلمو كتير الله يسعدك و انو بتخلي الواحد مبسوط ويضلو يخطط يعمل اكلات طيبة وهالشي بستهويني كتير ومن اسرار السعادة :")

    ReplyDelete
  2. يسلموا ايديكي
    والله ما بعد الاشياء الي بنحضرها بالبيت بتكون اطيب وازكى
    والوصفة كتيييير روعة بس يمكن تكون بهارات التاكو تقيلة على اطفالي الصغار

    ReplyDelete