Monday, December 30, 2013

شوربة الكراث

يوم جنوني جديد من الركض في كل مكان بين المواعيد واشغال البيت والطبخ وامتحانات الاولاد ...الخ الخ الخ ...الحمد لله...وقولتلكم عندي عزيمة يوم الخميس؟!!!! ههههه بس ان شاء الله امورها ميسرة...

المهم ولضيق الوقت ما صحللي اني اكتب منيو للاسبوع هاد لانه عم بطبخ كيفما اتفق...اليوم عاملة انشلادا الدجاج بالبربكيو صوص وكمان معكرونة باللبن وشوربة الكرات...الكراث باللغة العربية الفصحى و ال leek  بالعنجليزي...
وللي ما بيعرفوه هو مثا البصل الاخضر بس ضخم وهي صورته وتنظيفه مهم بطريقة صح لانه بيجمع طين وتراب بين الاوراق فلازم يتقطع زي الصورة



وبعدين ينغسل اكثر من مرة بحمام مي فاترة لتتأكدي بانه كل التراب راح



ويمكن تكرهوني وتقولوا ان شاء الله عنه ما حد اكل...بس ما عدا غسله..الشوربة سهلة وزاكية ومفيدة وممتازة بهالجو والاولاد رح يحبوها بالاضافة الى انها مناسبة لاي حفلة عشا لانها مختلفة وانيقة...

شوربة الكرات بالكريما
المقادير:
2 ملعقة طعام زبدة
2 كرات حجم كبير
2 حبة بطاطا وسط
6-7 اكواب مرق دجاج
ملح
فلفل اسود
2/3 كوب كريما سائلة
2 ملعقة طعام عصير ليمون

الطريقة:
تسيح الزبدة في طنجرة كبيرة ويضاف الكرات المقطع ويقلب دقيقتين
تضاف البطاطا مكعبات وتقلب
يرش بالفلفل والملح وتضاف المرقة
يترك على نار متوسطة لتنضج الخضار
يطحن على الخلاط ويعاد للطنجرة
تضاف الكريما ونتأكد من الملح والفلفل الاسود
نضيف عصير الليمون
وتقدم مزينة بالبقدونس
وصحتين


2 comments:

  1. شكرا الك وللوصفة
    وبالنسبة لغسل الخضار بصراحة انا كتتير موسوسة كتييير فيها
    يعني بنقع الخضار وخصوصا الورقيات بمي وملح وبغسلهم اكتر من مرة
    وهيك اضمن واحسن للصحة

    ReplyDelete
  2. يسلمو ايديكي منال ، الكرات ماما بتجيبو بس مابعرف ماعمري شفتو مطبوخ في طبق يسلمو ايديكي

    ReplyDelete