Saturday, December 28, 2013

رولات خبز البطاطا الحلوة

مع البرد اللي بره...كلنا بنحب البطاطا الحلو...لانها بتدفي وكمان مفيدة جدا...اليوم وصفة خبز كتييير زاكية بالبطاطا الحلوة واللي بتضيف حلاوة وطراوة على الخبز...فاذا خبزتوا بطاطا حلوة..احسبي حساب حبة ونص زيادة للخبز هاد..

رولات خبز البطاطا الحلوة
المقادير:
3 كوب طحين
3/4 ملعقة صغيرة ملح
1/2 1 ملعقة طعام سكر
ملعقة صغيرة خميرة
1/2 1 حبة بطاطا وسط مسلوقة او مشوية ومهروسة
بيضة مخفوقة
60 غم زبدة مذابة
3/4 كوب ماء فاتر
1/2 1 ملعقة طعام عسل

الطريقة:
تخلط 1/2 كمية البيضة المخفوقة والزبدة والماء والعسل
تضاف للخميرة في العجانة والسكر وتحرك
تضاف البطاطا الحلوة والملح
يضاف الطحين وتعجن من 5-7 دقائق
تترك لتخمر من ساعة ونص الى ساعتين ليتضاعف حجمها
تقسم كرات وممكن ان تشكليها كما تحبين...انا حطيتها مقسمة طابات في صينية مربعة
تترك مغطاه لتخمر 1/2 ساعة
يهن الوجة ببقية البيضة المخفوقة مع القليل من الحليب وترش اما بالسمسم او بذور الخشخاش او القزحة
تخبز على 190 لتنضج وتحمر...
جربوها مدهونة وهي ساخنة بالزبدة....ممممم
صحتين



4 comments:

  1. ما شاء الله شكلها روعه

    تقريبا ما هي كميه البطاطا بالكوب ﻻن الحجم المتوفر هنا صغير فاعتقد احتاج اكثر

    ReplyDelete
  2. شكرا للمتابعة...الكمية حوالي 2 حبة وسط او حبة كبيرة...الكوب هو كوب المعيار اللي موجود باي محل ادوات منزلية...صحتين

    ReplyDelete
  3. البطاطا الحلوة الها نصيب كبير بالمدونة ، كتير متشوقة اجرب وصفاتك الي داخلة فيها البطاطا الحلوة يسلمو ايديكي

    ReplyDelete
  4. انا ما جربت ابدا اعمل وصفات بالبطاطا الحلوة
    لانو بنحب ناكلها هيك لحالها
    بس اكيد رح اجرب ولو كمية صغيرة واشوف ردة فعل اهل بيتي

    ReplyDelete