Thursday, December 26, 2013

كعكة الموز بالقرفة (من خليط الكيك الجاهز وبدون زيت)

معجوقة شوي هاليومين..لاني مسافرة ان شاء الله على كندا بعد اسبوع ونص ومع امتحانات الاولاد والترتيبات اللي لازم تنعمل (لاني مش ماخدة الاولاد معي) + الالتزامات الاجتماعية واللي مش عارفة ليش سبحان الله بتزيد لما الواحد يكون بامس الحاجة للوقت...الحمد لله والله يعين...عشان هيك رح ادخل بالموضوع وما احكي كتير...

كلكم بيزيد عندكم موز وبيسود وحكينا مرة ببوست سابق (هون) عن كيف تستفيدوا منه ووصفة مفن الموز والكراميل...وصفة اليوم بتدخل بهاد النطاق وهي كعكة الموز...الحلو انها باستخدام الكيك مكس...والاحلى انه ما فيها زيت او زبدة...وووهههوووو..زاكية وخفيفة وسهلة كتير

كعكة الموز بالقرفة
المقادير:
باكيت كيك مكس جاهز (ابيض او اصفر)
1/2 ملعقة صغيرة قرفة
4 موزات وسط صومالي مستويين ومهروسين
3 بيض
2 ملعقة صغيرة فانيلا
2/3 كوب جوز مفروم (اختياري..انا ما حطيت)
للوجة:
ملعقة صغيرة قرفة
1/2 1 ملعقة طعام سكر

الطريقة:
تخلط كل مكونات الكيكة
تسكب بقالب الخبز التوست المدهون والمرشوش طحين
ترش بخليط القرفة والسكر
تخبز على 175 من 40-50 دقيقة لتجتاز اختبار الكيك
تبرد على سلك معدني
تقدم مع القهوة او الشاي
وصحتين




5 comments:

  1. تروحي وترجعي بالسلامة يا رب,,,رحلة موفقة وتدفي منيح :)
    لازم نلتقي بس ترجعي يا منال
    اه صح نسيت الوصفه :)) كتير شكلها طيبة الكيكة وبحب الاشياء الي بتنعمل عالسريع ,,بتعرفي وضعي واني مو كسلانة الا شوي ,,,بعدين الصور يا منال ارحمينا والله لو مصور محترف ما طلعها هيك ماشالله عليكي

    ReplyDelete
  2. الله يسلمك يا رب...واذا انت كسلانة...مين نشيط...الله يعطيكي الف عافية...مع حبي الكبير يا سمية...الله بيعلم...

    ReplyDelete
  3. يسلمو هالايدين وصفة سهلة كتيير

    ReplyDelete
  4. بحب الوصفات السهلة والسريعة
    :)

    ReplyDelete