Thursday, December 19, 2013

هريسة تشيزكيك

عم بكتب هالبوست وريحة الكمون معبية البيت لاني رح اعمل مجدرة للغدا...جد انها من الاكلات اللي بتصرخ" دفااااااااااااااااا" ومناسبة بهالطقس...متذكرين كيف مرة حطيت صورة لطريقة تقديم الها


كتير منكم طلبوا مني وصفات احطها على المدونة وان شاء الله رح انزلها كلها قريب لعيون الجميع...اليوم الوصفة لتشيز كيك الهريسة وهو من الاطباق الغير تقليدية واللي جمعت الاكل الغربي بالعربي...زاكية كتييير وسهلة كتييير ومش غالية ابدا لعملها مقارنة بالتشيز كيك التقليدية...



هريسة تشيزكيك
المقادير:
طبقة البسكوت:
علبة بسكوت دايجستف او عادي (انا بستعمل العادي) وزن 210 غم تقريبا مطحون
اصبع زبدة مذاب

طبقة التشيز كيك:
1/2 علبة جبنة كريمية وزن 227 غم او 6 مربعات جبنة كريمية مثل الكيري بحرارو الغرفة
1/2 كوب سكر
علبة لبن زبادي بالقشطة (الحجم الصغير)
كوب حليب بودرة

طبقة الهريسة:
 3 بيضات
2 ملعقة صغيرة فانيلا
علبة قشطة
كوب سميد خشن
ملعقة كبيرة بيكنغ باودر
1/2 كوب سكر
1/2 كوب زيت

كمية من القطر بماء الزهر للوجه

الطريقة:
لطبقة البسكوت: تذاب الزبدة وتفرك مع البسكوت وترص بقالب التشيز كيك
تحضر طبقة التشيز كيك بخلط كل المكونات في الخلاط الكهربائي وتوضع فوق طبقة البسكوت وتدخل الفرن على حرارة 175 حوالي 7-8 دقائق
تخلط المكونات السائلة للهريسة مع السكر في الخلاط
يخلط السميد والبيكنغ باودر
تضاف المكونات السائلة للسميد وتحرك بملعقة مطاطية جيدا لتختلط
تضاف فوق طبقة الجبنة وتعاد للفرن من 25-30 دقيقة حتى تستوي الهريسة حسب اختيار الكيك بان يخرج عود الاسنا بعد غرسة بنصف الهريسة جاف تقريبا
تسقى بحوالي كوب قطر بارد وهي ساخنة او اقل وممكن تقديم القطر على جنب
تترك لتبرد تماما في القالب ثم تفك وتقدم مزينة بالكريما المخفوقة والكرز المجفف
والف صحة وهنا



8 comments:

  1. ماشاء الله شو حلو شغلك ومرتب.. انت اكتشافي الجديد والمفرح هنا في الغربة.. انا اعيش في المانيا
    معلش كان نفسي اكتب تعليق على كل وصفة.. هههه بس الوقت ضيق بعض الشيء..
    وخايفة لما انطلق واعلق على بوستاتك تزهقي مني...
    بس عندي سؤل سريع على هادي الوصفة اللذيذة.. حليب بودرة هون مافي.. شو اعمل.. وكمان كم وزن علبة اللبن الزبادي؟؟ معلش ياريت تكتبي الاوزان المكتوبة على العلب.. مثل القشطة مثلا علشان هون عنا قشطة باوزان مختلفة عن الدول العربية..
    شكرا مقدما
    وإلى لقاء آخر جديد..
    تقبلي عزيزتي محبتي واعجابي

    ReplyDelete
  2. حبيبتي سميرة...ما تنصوري مدى سعادتي بالتعليق وزهقيني اد ما بدك....اكيد رح آخد نصيحتك بعين الاعتبار من اليوم وطالع وبالنسبة لتساؤلك ممكن هاد البديل عن كل الطبقة الثانية 1 كوب حليب سائل
    نص كوب كريمة خفق
    ملعقة ونص نشا
    ملعقة طعام ونص دقيق
    ملعقة طعام ونص سكر
    تخلط بالخلاط ثم تسكب فوق القاعدة وتبرد في الفريزر 5 دقايق وبتكملي الباقي عادي بانك تحطي الطبقة الثالثة وتخبزيها :) وارجو انك تعلقي دائما لانه اشي بيسعدني كتير

    ReplyDelete
  3. حبيبتي منال هلا ما رح ينحرق البسكوت لانه رح ينخبز فتره يعني اول مره عشان خليط الجبنه وتاني مره الهريسه كلها

    ReplyDelete
  4. ابدا منار ما بيصير له اشي :)

    ReplyDelete
  5. منال يا عسل يسلمو اديكي بدنا وصفة هريسه نبكيه هيك اسمعت اسمها بكون على وجها فستق بتزكر اول مرا اكلتها كانت من عند العنبتاوي اشي بشهي بس هاد الحكي زمان اكتر من خمس سنين يا ويلي الايام بتركض ركض بالغربه الله يفرجها ويرجع كل مغترب لاهلو وحبايبو سو مشتاقه للاردن وكل اشي فيها بكفي االواحد بين اهلو وناسث والله ما في بعد الاهل الله يخلي لكل واحد اهلو طولت عليكي ﺳﺎﻣﺤﻴﻨﻲ

    ReplyDelete
  6. ياسلام ع الهريسة وكيف ازا كانت هريسة تشيز كيك والله فكرة روعة وهيك بصير طبق حلو معتبر يسلمو كتير

    ReplyDelete
  7. طبق حلو ملوكي وفخم جدااااااااااا

    ReplyDelete