Tuesday, December 17, 2013

مخبوزات جديدة: صمون الخبز الفرنسي

متذكرين لما دوشتكم بالحديث عن اهمية انه يكون عندك خزانة مونة جيدة وانه وباستمرار تخصصي جزء من ميزانية الشهر للاستفادة من العروض؟ هالوقت اللي عم بنمر فيه ومع عواقب هالثلجة الكبيرة هو اكبر دليل على اهمية الموضوع..ليش؟ عشان ما تضطري تطلعي وتجيبي اغراض بآخر لحظة وتصيري عالقة بالازمة اللي صارت علامة تجارية لشوارع عمان هاليومين!!! وكمان عشان ما تكوني عرضة وللاسف للاستغلال البشع اللي صار عند بعض المحلات...للاسف!!!

اليوم مووود الخبز لسة شغال ههههه...الطبخة كانت معكرونة بالبشاميل..تغيير عن الخطة وامبارح قرروا بدهم فول وحواضر للغدا..فالخطة ما مشيت كتيير وقررت اعمل خبز جنب المعكرونة وانا عم بستنى هنادي سمارة (صديقة عبر الانترنت لغاية الآن...تحياتي هنادي اذا عم تقرئي)...كانت رح تمر علي لتاخد حصتها من الكب كيك

بس مع الازمة ما قدرت واضطرينا تؤجل الموعد لبكرة...وبالمقابل هنادي بدها تجبلي...بانوفي تشيز كيك من تحت ايديها...يسلموا


المهم نرجع للخبز....سهل وسريع وشكلة جميل مع اي طبق معكرونة او بعزومة بسلة خبز مع الزبدة...مممممم

صمون الخبز الفرنسي
المقادير:
1/2 1 كوب ماء دافئ
ملعقة طعام خميرة
2 ملعقة طعام سكر
ملعقة صغيرة ملح
2 ملعقة طعام زيت نباتي
2 كوب طحين عادي
2 كوب طحين قمح
ملاحظة: ممكن استخدام كله طحين عادي او قمح

الطريقة:
تخلط الخميرة والماء والسكر والملح والزيت
يضاف 1/2 3 كوب طحين وتعجن على العجانة مع اضافة الطحين المتبقي لتتكون عجينة ناعمة الملمس (حوالي 7 دقائق)
تكور وتغطى ساعة ليضاعف حجمها
تضغط لتفريغ الهواء وتقسم الى 16 قطعة متساوية الحجم تقريبا
تكور كل قطعة وتصف في صينية الخبز 5 سم متباعدة عن بعضها
تغطى وتترك لتخمر 1/2 ساعة
يحمى الفرن الى 200 وتخبز من 20-25 دقيقة لتصبح ذهبية
تقدم ساخنة مع زيت الزيتون او مثل ما بنحب ببيتي...زبدة وملح وفلفل اسود
صحتين




5 comments:

  1. بتصدقي منال طول ما احنا محبوسين في هالموجة اللي اجتنا وانتي ما بتغيبي عن بالي ,,,كتير نقص علينا اشياء وانفلمت فلم مرتب الصراحة...فطول الوقت بحكي مع حالي: شوفي منال وكيف ضلت تحكي عن المونة وانتي ولا على بالك,,ها تفضلي هييك انحبستي بالتلج وفش بيض!
    بيض بييييييض يا بنت الحلال تخيلي مافي بيض في ولا مكان حولي؟؟ وطلعة بالسيارة شبه مستحيل لانو انا سكان صويلح والتلج عنا عامل ازمة بشكل مو طبيعي.
    المهم,,يعطيكي العافية واحنا ما ردينا عليكي للاسف ( او على الاقل انا ما رديت,,,جوزي اتمسخر علي لما قلتلو روح جيب خبز بلاش نتأزم) الله يقويكي ويباركلك بوقتك ونضل نستفيد منك طول الوقت.

    ReplyDelete
  2. والله يا سمية صعبة بدون بيض...!!! جد!!! كتير اشياء بتعتمد عليه...يالله يا ستي ان شاء الله التلجة الجاي بتكون الامور احسن...وبحب اقولك اني جد بحبك في الله قد ما انت لطيفة ومحترمة...الله يسعدك ويعطيكي العافية دايما... :)

    ReplyDelete
  3. موضوع المونة انا بهتم فيه بصراحة كتيير وخصوصا العروض على المواد التموينة
    لانو بحسها بتنقذني من ازمة الطبخ لما اكون معجوقة بالبيت او اكون مو جاية على بالي اطبخ
    وشكرا الك كتير لوصفة خبز الصموون
    والكب كيك شكله بشهي
    يسلمواااا

    ReplyDelete
  4. يسلمو ع الخبز الشهي ممممم يسلمو جد

    ReplyDelete
  5. يا الله ذكرتيني بثلجة العام كانت زي هاي الأيام و فعلا منها الواحد تعلم يخزن شغلات ضرورية بخزانة المونة ..انا تعلمت انه الطحين ما يخلص من عندي ابدا

    ReplyDelete