Monday, December 16, 2013

سلطة الشتاء بصوص بذور الخشخاش

اديش في ناس حابة اتعرف عليها شخصي...صداقة عبر الانترنت بكل حب وبدون اي شروط او توقعات...شئ رائع جدا...يعني هي فايدة تانية للانترنت... كيف انتو وهالانجماد؟ طيب بلاش...كيف انتو والقرود الصغيرة اللي كمان شوي رح تطلع على الحيطان من الزهق وكمان يوم عطلة؟!!! انا عندي الكبار ما شاء الله مسليين حالهم بين الالعاب والافلام والاي باد واللابتوب...والدراسة ؟!! اي دراسة؟!!...انبح صوتي وانا احكي عن امتحانات نص السنة اللي بدت (حسب الجدول عند اولادي من امبارح) وهلأ تأجيل يومين...اما السيد هارون فجد رح يفقع من القعدة...آه...الله بيعين...

انا لسه بمزاج الخبز.....امبارح...كب كيك الرازبري



اليوم خلي البوست قصير وخفيف...وصفة اليوم لسلطة شتوية رائعة...في كتير وصفات لسلطات شتوية وهي واحدة منها..بصوص بذور الخشخاش...ومعلش بعرف انه في ناس منكم بيقولوا انه حرام بس انا دورت كتير على النت ولقيت انه التحريم للزهور بس والمناقشة بالموضوع هي بالزبط زي موضوع جوزة الطيب بس اللي ما بده يستعملوا بيقدر يقيمه من الوصفة..والله اعلم


سلطة الشتاء بصوص بذور الخشخاش
المقادير:
للصوص:
1/2 كوب سكر
1/2 كوب عصير ليمون
2 ملعقة طعام بصل مبشور
ملعقة صغيرة ماسترد ديجون
1/2 ملعقة صغيرة ملح
2/3 كوب زيت زيتون
ملعقة طعام بذور خشخاش

للسلطة:
خس
تفاحة مقطعة مكعبات
كرانبري (حفنة)
1/2 كوب جبنة شدر بيضاء مبشورة او سويسرية
حفنة كاجو محمص

الطريقة:
بالخلاط تخلط كل مكونات الصوص ما عدا الزيت وبذور الخشخاش ثم ينزل بالتدريج من فوهة الخلاط اثناء دوران الخلاط
تضاف بذور الخشخاش
تخلط مكونات السلطة وتقدم مع الصوص
(كمية الصوص تكفي لكمية كبيرة من السلطة)
صحتين





3 comments:

  1. منال يسلمو بس شو هي بذور الخشخاش من وين؟

    ReplyDelete
  2. Poppy seeds وبتلاقيها عند البهارات بس لازم تدوري منيح بالسوبرماركتات الكبيرة

    ReplyDelete
  3. منظر الكب كيك بشهي
    بعد التجول في مدونتك الرائعةوبكل صراحة تمنيت ان اكون جارتك لتسكبي لي سكبة من طبخاتك :)

    ReplyDelete