Tuesday, December 10, 2013

عشان الثلج...اذا ثلجت....وصفة رولات البرتقال

مبسوطة كتير بردود الفعل على كيكة التفاح...في ناس صاروا مجربينها وحطوا صور...يسلموا نسرين...وفي ناس بدهم اياني ادفع اشتراك الجيم للسنة الجاي...هههههههه والله صار بدها جيم...كيف لو تعرفوا شو بدي احطلكم اليوم..هههه وصفة حلو تانية ومختلفة عن المتعودين عليها ولذيذة كتير لكل عشاق البرتقال واللي هلأ عزه...(صحيح مش عملت الشوربة تبعت الجزر والبرتقال...هههههههه) بكرة ان شاء الله بحط وصفتها...بس اليوم وصفة رولات البرتقال واللي هي تغيير عن السينابون واللي لا يعلى عليه خاصة بهالجو...بس رولات البرتقال اشي مختلف ولذيذ وارجو لما تعملوها تاكلوها وهي دافية عشان هون زكاوتها...وهي بتبرك يعني بتعمل حوالي 18 رول او 20...وبدهم صنيتين او اذا بدك تحطي كل واحدة بصينية المفن لحالها



رولات البرتقال
المقادير:
2 ملعقة طعام وربع خميرة
3/4 1 كوب ماء دافئ
1/3 كوب عسل
اصبع زبدة مذاب
2 بيضة مخفوقة بشوكة
برش برتقالة
2 ملعقة صغيرة فانيلا
ملعقة صغيرة ملح
6-7 اكواب طحين
الحشوة
اصبع زبدة بحرارة الغرفة
كوب سكر عادي
ملعقة طعام عصير برتقال
للوجة
2 كوب سكر بودرة منخول
3 ملاعق طعام عصير برتقال
برش برتقالة
1/2 كوب كريما سائلة (ممكن الحليب بس الكريما احسن)

الطريقة:
في العجانة توضع الخميرة والماء والعسل وتدار ثم يضاف البيض والزبدة والفانيلا وبرش البرتقالة والملحيضاف الطحين بالتدريج وسوف تكون العجينة لاصقة قليلا وهذا جيد (لتبقى طرية) وتعجم من 5-7 دقائق على سرعة متوسطة
تكور باليد مثل الكرة وتوضع في وعاء عميق مدهون بقليل من الزيت لتخمر في مكان دافئ مدة ساعة ليتضاعف حجمها
يرش السطح بالطحين وتفرد العجينة الى مستطيل بسماكة سم
تدهن بخليط الزبدة وعصير البرتقال وترش بالسكر مع ملاحظة عم\دم دهن الحواف (لكي تلصق عندما نعملها رول
نلف الول من الجهة الطويلة للمستطيا ونعمل على اغلاق الحواف بكعب اليد جيدا
تقطع بسكين حاد رولات بسمك 2 سم وتوضع في صينية غير لاصقة مرشوشة بقليل من الزيت بشكل متباعد حوالي 2 سم عن بعض
تغطى وتترك لتخمر 45 دقيقة
يحمى الفرن الى حرارة 180 وتخبز لتنضج وتصبح ذهبية من الحواف وممكن شوي وجهها قليلا
تخلط مكونات الوجة معا بخفاقة يدوية اثناء خبز الرولات
تخرج من الفرن وتدهن فورا بخليط الوجة
وتقدم والف صحة وهنا...

مي...اذا بدك جد الجيم علي السنة الجاي...هههه مع حبي للجميع واتدفوا بهالبردات!!



4 comments:

  1. منال أديش الخميرة بالضبط؟ انا حطيت ملعقتين و ربع كبار و حسيتها خمرت زيادة

    ReplyDelete
    Replies
    1. اهلا اهلا...الخميرة مزبوطة بس لما بقول 2 ملعقة طعام وربع قصدي معالق المعيار مش الاكل...على كل حال اذا حسيتيهل خمرت كتير ممكن تخففي ل 2 معلقة ...بس كمية الطحين كبيرة فبدها هالقد خميرة...

      Delete
  2. حبيت الفكرة يسلمو ايديكي فعلا تغيير عن السيانبون

    ReplyDelete
  3. يسلمووا ايدكي
    فكرة حلوة وتغيير عن الي اتعودنا عليه

    ReplyDelete