Saturday, November 16, 2013

اداء الاسبوع الماضي بالميزانية والخزين ووصفة سمك السلمون على الطريقة الاسيوية

اعتقد اني رسميا بقدر اعلن اني مدمنة تدوين!!!! ولا دواوين؟!!!! ههههههه المهم اني بهالمساحة الالكترونية عم بحكي كتيييير وهادا طبع فيي...مش بس بالكتابة وبالاحاديث!!! تحذير غير رسمي الكم!!!!
كتير عم بستمتع باسئلتكم وتعليقاتكم ومتابعتكم...ارجوكم استمروا والله يزيد ويبارك...بدنا تسجلوا مشان تضلوا متابعين آخر التطورات...
حاليا عم بشتغل على كم مشروع منزلي متعلق بالصواني...3 صواني خشب وبلاستيك قديمة بدي احولهم الى صواني جداد بشكل جديد باستخدام دهان الرش...ان شاء تزبط الامو وبفرجيكم النتائج قريبا...

اليوم رح نعمل ال update الاسبوعي لادائي وبوعدكم رح يكون مختصر مفيد... يعني ما رح احكي بالتفصيل شو شريت الا اغراض بناء الخزين...
هادا الاسبوع صرفت التالي:
- 67.58 دينار على اغراض البيت والتنظيف 
- 14.63 للخزين وشملت:
4.40 دينار ثمن 24 زجاجة عصير راني مشكل للمدرسة ب 1.10 لل 6 (العرض بكارفور ومستمر)
1.98 ل 6 زجاجات صوص سلطة من مكسيم حدم صغير (العرض كل 3 ب 99. قرش من كارفور) عادة انا بعمل بالبيت بس السعر لا يقاوم وبريح مرات يكون فيه وجبت ايطالية و ثاوزند ايلاند
4.27 ل 5 علب تونا كبيرة نوع ممتاز
2.99 ل 7.5 كيلو طحين
99. قرش مرتبات مربى فراولة حجم كبير (حوال 800 وشوي غرام) من السي تاون
- 58.20 دينار للحمة بس هاي بتتوزع على بقية الشهر وفعليا بيزيد مرات للشهر الجاي

فمجموع الاسبوع بدون اللحمة هو 82.21 يعني اقل ب 17,79 دينار عن ال 100 وللخزين زاد 5.37 من اصل 20 بينجمعوا مع 2 دينار من الاسبوع اللي قبل ففالبقجة :) 7.37 دينار

هلأ اذا متذكرين الاسبوع اللي قبل كمان صرفت 47.03 على اشياء رح احتاجها طول الشهر وما رح اشتري منها مثل البامبرزوقلت رح يتوزعوا على الشهر وهلأ اللحمة كمان ومجموع هالمبلغ هو 105.23 وعلى 4 اسابيع تقريبا(شهر 11) بيصير 26.30 دينار على مصروف كل اسبوع...بس ما رح اضيف المبلغ الا لنهاية الشهر لاني عارفة انه معدل صرفي بالاسبوعين اللي جايين رح يكون اقل لاني اشتريت الاشياء الاساسية بشكل ممتاز بالاسبوعين الماضيين.

وشيكوا كارفور هاد الاسبوع في عروض كتير منيحة مثل
 الحليب المركز المحلى ابوقوس ب 99. (انا عندي كتير حاليا)


وعصير راني اللي قلتلكم عليه ال 6 ب 1.10

وعروض على جبنة ابو الولد (ال 5 ب 2.79)  وكيري ال 3 ب 1.99 وجبنة حللو حلوم (كتييير زاكية) ب 1.64 وطحين 10 كغم ب 3.29 (انا ما رح اجيب لانه صار عندي منيح) زالفريكة من كباتيلو ب 69. للباكيت وبقوليات منوعة ب 99. للكيلو مثل عدس حب ومجروش وغيره..المهم شيكوا العرووووض لاني رح استفيد منها للخزين....

وبحب احكي اني ما عم بعمل دعاية لحد وهدفي هو انكم انتو تستفيدوا والله اعلم...

هلأ نيجي لوصفة اليوم وهي سمك السلمون على الطريقة الاسيوية..



 سمك السلمون على الطريقة الاسيوية
المقادير:
5 قطع سمك سالمون فيلية
لصوص النقع:
1/2 كوب صويا صوص
1/4 كوب عصير برتقال
بشر ليمونة
3 سن ثوم مدقوق
برشة زنجبيل طازج (حوالي ملعقة طعام)
2 ملعقة صغيرة زيت زيتون
للطبخ:
رشة زيت سمسم

الطريقة:
تخلط صوص النقع ويؤخذ منها مقدار ربع كوب
ينقع السمك بالصوص الباقي حوالي ساعة
قبل الطبخ يرش بزيت السمسم ويوضع في مقلاة حامية وغير لاصقة ويطبخ من 4-5 دقائق على الجهة الاولى ويقلب ليكمل الطبخ على الجهة الثانية ثم يضاف صوص النقع الذي احتفظنا به (لم ننقع به السمك) ويطبخ قليلا حتى اذا امسكت بطرف شوكة تشعري بان السمك ينفص بسهولة ويقدم
لا يحبذ طبخ السمك زيادة  فهذه الوصفة لا تستغرق اكثرمن 10 -12 دقيقة كحد اقصى
وصحتين





4 comments:

  1. U know Manal if we only had the culture of blogging u would sponser so many shops,,, they wud die to advertise here ;)
    Great post ,,, im always following ,, keep it up

    ReplyDelete
  2. Thank you my dear...I just needed to clear that up.....but for sure it would be beneficial after to a have some adverts on this blog...hopefully in the future... :)

    ReplyDelete
  3. يعطيكي الف عافية
    عن جد انو التسوق متعة حقيقة جداا وانا بشعر معك لما اانا بحب اتسوق اغراض البيت وخصوصا الخضار والفواكه واغراض المطبخ بشكل عام

    ReplyDelete