Friday, August 16, 2013

بيتزا فلورنتين...من البواقي..اكلة جديدة

قبل ما يخلص اليوم خليني استعرض معاكم الاطباق اللي غطيناها حسب الجدول:
- طبق حر: عملنا حلو حلاوة السميد
- اكلة قديمة وحكاية: أرز وعدس
- سلسة اصنعي في بيتك : معجون التاباناد
- درس المخبوزات التاني في خبز بالتاباناد
- سلسة صحنك الجانبي: سلطة القيصر بصوص بدون المايونيز

وهيك خلصنا 5 من اصل 6...اليوم رح اشارككم وصفة لبيتزا فلورنتين واللي هي طبق جديد من بواقي اكلة تانية عملتها ضيفة على المدونة وكانت كانيلوني بالسبانخ والدجاج

يسلموا تغريد انا عملتها بس ضفت فطر للحشوة وزاد منها بعد ما حشيت الكانيلوني فقررت احولها لبيتزا فلورنتين وهي الطريقة

بيتزا فلورنتين
المقادير:
حوالي كوب من حشوة الكانيلوني بالدجاج والسبانخ (الوصفة على المدونة)
عجينة البيتزا المفضلة لديك او ممكن الرجوع للعجائن التالية على المدونة
لفائف الزعتر والجبنة
فطيرة الجبنة الكاسات بالثوم
حبة فليفلة حمراء صغيرة مفرومة
1/2 1 كوب جبنة موزريلا

الطريقة:
تفرد عجينة البيتزا في صينية وتخزق بالشوكة بعدة اماكن
توزع الحشوة
نضع الجبنة ثم الفليفلة...وبس
بالفرن لحتى تستوي وتسيح الجبنة :) وهيك صار عنا طبق جديد تماما...صحتين...




1 comment:

  1. بتشهي
    ومنظرها لا يقاوم
    يسلموا ايديكي يا رب

    ReplyDelete