Saturday, June 8, 2013

سلطة الزهرة المشوية

خلصت الامتحانات....يعني سعادة غامرة واكيد الاولاد اسعد مني!!! وهدا هو سبب انشغالي في اليومين الماضيين...فالاولاد كان عندهم خطط وكنت لازم اوصل واجيب...الخ زي كل امهات هالايام!!! اليوم ما كان جاي على بالي كتير أكل اشي فيه لحوم ...بس عندي كوسا من امبارح للعائلة الكريمة فقررت اعمل سلطة بسيطة بالخيار والبندورة والنعنع والبصل والجبنة النابلسية...

وعندي زهرة صغيرة فقررت اني اعملها سلطة الزهرة المشوية...زاكية كتير وتغيير واللي عامل رجيم بتناسبه متل هادي السلطة كتير لانها بتشبع وفيها فوائد كبيرة من اللبن والزهرةوالجوز...وما تخافوا...فيها كمون!!! :) يعني عشان النفخة!!!

سلطة الزهرة المشوية
المقادير:
رأس زهرة صغير مقطع زهرات صغار
رشة زيت زيتون وملح وكمون (لشوي الزهرة بالفرن) 
1/4- 1/3 كوب كرانبري مجفف 
1/4 كوب جوز مفروم محمص
1/4 كوب بقدونس مفروم
للصوص:
كوب لبن
ملعقة طعام عصير ليمون
رشة ملح
حبة ثوم مدقوق

الطريقة:
تشوى الزهرة بعد رشها بالزيت والملح والكمون في الفرن على حرارة 175 وتقلب من حين الى آخر حتى تبدأ بالتحول الى اللون الذهبي وتطرى قليلا
توضع في صحن التقديم وترش بالكرانبري والجوز
تحضر الصوص بخلط كل المكونات معا
توزع على الوجة ويرش البقدونس وتقدم...
وصحتين








1 comment:

  1. كتير بحب الزهرة المقلية بس ولا مرة جربتها مشوية
    واكيد رح اجرب هي الوصفة قريبا وبخبرك بالنتائج
    يسلمواا ايديكي

    ReplyDelete