Monday, June 3, 2013

جبنة الفتة بالزعتر والليمون

يمكن تحضير العشاء من الاشياء اللي كتير عائلات بتعتبروا اشي روتيني كل يوم وكمان في كتير عائلات بتفضل تنام خفيفة وما تتعشى...في عيلتي الموضوع مرة هيك ومرة هيك...في اغلب الاحيان العشاء بيكون اشي فردي لكل شخص الا اذا انا عاملة بيتزا او ساندويشات...الخ..وقليل ما نتعشى متل اولادي ما بيحبوا يسموه "عشاء كامل" :) عشان بيحسوا انه كل الحواضر بتنحط على السفرة فهو كامل..والكمال لله وحده...
المهم انه الاستاذ سلطان قرر انه بدو يتولى امور العشاء وخاصة انه تفرج على برنامج توب شيف استراليا وشاف اطفال اصغر منه بيعملوا اكلات فظيعة على رأيه يمكن في ناس كبار ما بيعملوها...فقرر يحضرلنا عشاء امبارح وانه يعمل بيض مقلي...وانا بعمل لهارون حمام فبعد ما خلصت اجيت لقيته فاتح اليوتيوب وبيطلع كيف يقلي بيض...وضلوا يحكي في الموضوع وانه كيف بدوا يضل يحضر عشاء كل ليلة...ان شاء الله!!!! ببقى اذكركم اذا استمر الموضوع!!!

المهم ضلوا يسألني اذا نزلت صور عشاؤه الفاخر :)

اهم اشي الفت نظركم لترتيب الخيار والبندورة...

اما انا فعملت طبق سريع وسهل جدا ولذيذ وخاصة برمضان على السحور من باب التغيير...وهو باستخدام الجبنة الفتة اللي لاحظتوا اني بحبها كتييييير...

جبنة الفتة بالزعتر والليمون
المقادير:
كوب جبنة فتة
بشر ليمونة صغيرة
ملعقة طعام عصير ليمون
حبة ثوم صغيرة مهروس
ملعقة صغيرة زعتر ناشف
5 ملاعق زيت زيتون

الطريقة:
تخلط كل المقادير معا في مطحنة الطعام او بشوكة وتقدم مع البطيخ :) مممممم



3 comments:

  1. الله يعطيك الف العافية يا سلطان
    بصرااحة عشا ولا اروووع
    ابرز فيه مواهبه المطبخية :)
    وبالنسبة للجبنة انا بحب اكلها مع البطيخ بدون اي اضافات لانو بحس طعمها ازبط وبتحافظ على نكهتها

    ReplyDelete
  2. شركة مكافحة حشرات بالخبر وشركة رش مبيدات بالخبر هذا الشركات لكل من يعاني من مكافحة الحشرات ورش المبيدات لانهم بعملاء متخصصون في عملهم اما يوجد بعض الناس تعاني من تسليك المجاري وكشف تسربات المياة لانهم من اخطر انواع النظافة التي تجلب الامراض الكثيرة والشدية التي تهدد حياتهم لاكن من الان لاداعي للقلق معا شركة تسليك مجارى بالاحساء وشركة كشف تسربات المياه بالخبر بدون اي تكسير او تخريبفي البيت لانهم بعملاء متخصصون في عملهم ولدينا شركة تنظيف بالجبيل وشركة تنظيف منازل بالخبر من افضل شركات التنظيف بمطقة الخبر والجبيل
    وللاستفسار او الطلب اتصل ب 0508400941

    ReplyDelete