Sunday, March 31, 2013

دجاج" الا سلطان"

من اكثر الاسئلة اللي بسألوني عنها الستات: من وين بتجيبي وصفاتك؟ والحقيقة جوابي بيكون واضح وصريح: من كل مكان!!! وبهذا الحكي بعني اني ممكن الاقي وصفة على الانترنت وتعجبني واطبقها (ونادرا ما التزم فيها تماما) يعني بعدل وبجرب وبغير عشان هيك عندي يوم مخصص لتجربة الوصفات مرة في الاسبوع...اما الاماكن الاخرى فهي الكتب (والحقيقة مش كثير عندي كتب) والمجلات والتلفزيون وكمان المطاعم...يعني لما بروح على مطعم بحب اذا عجبني طبق ارجع على البيت واحاول اطبقه...ومن اغرب الاماكن اللي لقيت فيها اكل حبيناه انا وعيلتي وخاصة الاستاذ سلطان هو "الطيارة"...اذا متذكرين اني في مرة كتبت عن اكلة بالدجاج والكزبرة الليمون حبها سلطان كتير من اكل الطيارة واليوم طلبها كمان مرة وهي الطريقة لانها سهلة جدا جدا ولذيذه ونسبيا صحية وكمان خفيفة على الجيبة...

دجاج الا سلطان (انا هيك قررت اسميها بس هي في الحقيقة دجاج بصوص الليمون والكزبرة)
المقادير:
4 صدور دجاج مقطع مكعبات
2 ملعقة طعام زبدة
ملعقة طعام زيت زيتون
3 ملاعق طعام طحين
2/1 2 كوب مرق دجاج
3 سن ثوم
1/4 كوب عصير ليمون (بقترح تصيفوا شوي شوي حسب الرغبة بالحموضة)
ملح وفلفل اسود
1/4 كوب كزبرة خضراء مفرومة

الطريقة:
نضع الزبدة والزيت في مقلاة واسعة وعميقة
نرش الدجاج بالملح والفلفل الاسود
نقلي قطع الدجاج بالزبدة والزيت على نار عالية لتحمر وتصبح ذهبية
نرش الطحين ونقلب دقيقة
نضيف الثوم المهروس ونقلب لثوان
نضيف مرق الدجاج الساخن ونحرك
ونتركها لتغلي ثم تخفض الحرارة وتترك 5 دقائق
يضاف عصير الليمون والكزبرة وتترك اتغلي 2 دقيقة
تقدم مع الارز الابيض
(ممكن انه تخلي صدر الدجاج كامل لتقديمها بشكل افخم شوي مع بطاطا)

والف صحة وهنا

منال



2 comments:

  1. الدجاج بصوص الليمون مممممم ماازكاهااا هالوصفة يسلمو ايديكي

    ReplyDelete
  2. دائما لما بكون باي مكان وبدوق اكله بتعجبني بسأل عن طريقة صنعها اذا كنت عند ناس طبعا اما اذا كنت بمطعم او بمكان عام فبحاول اجيب مكوناتها وطريقة صنعها من النت واحاول اعملها اول شي بكميات قليلة

    ReplyDelete