Sunday, February 10, 2013

الخل وفوائد لا تعد ولا تحصى...وسائل تنظيف لبلاط البانيو بالحمام...

زي ما حكيتلكم قبل هيك اني في موود التعزيل واليوم قررت اني اهاجم البانيو في حمام غرفتي وعملت محلول رائع مثل السحر على كل بقع الصابون والبقع السوداء اللي بتصير على بلاط البانيو من المي وقلة الشمس...ولاني بحكي عن التوفير وكمان مشان البيئة وصحتك، المحلول اللي عملته مش بس فعال واوفر واكثر امان للبيئة وكمان الك عشان ما تستنشقي غازات ضارة...

الطريقة:
عبي اي زجاجة الها بخاخ (انا استعملت زجاجة سائل تنظيف الزجاج الفارغة) عبيها للنص بالخل (انا استعملت خل اشتريته بزجاجة كبيرة (3 لتر بدينار وشوي لاستعمالات التنظيف) وبعدين ضيفي ربع كوب عصير ليمون (انا استعملت النوع الجاهز يعني مو فرش برضة زجاجة جوالي لتر وشوي ب دينار) وبعدين ملعقة كبيرة كربونات (وضيفيها شوي شوي لانها رح تفور) وعبي باقي الزجاجة مي...وبس ورشيها على اماكن التكلس في البانيو وخليها 1/2 ساعة وبعدين بفرشاية خشنة (استعملت فرشاية اسنان قديمة) وشوفي قديش رح ينظف...جد رائع...انا قررت اعمل زجاجة واخليها بالحمام عشان استعملها بعد كل حمام ليضل الحمام نظيف....

6 comments:

  1. واو اكيد راح اجربها شكلها فعالة

    ReplyDelete
  2. ايش في منظف فعال وطبيعي لخزائن المطبخ الخشب

    ReplyDelete
  3. واو رائعه الفكره
    بس بدي اسألك سؤال اذا في طريقه عشان يطلع الغسيل الابيض بالاوتوماتيك ناصع البياض؟ انا بعاني من هالموضوع بطلع باهت الابيض عندي ؟

    ReplyDelete
  4. يسلمو ايديكي اكيد رح اجرب التنظيف فيها

    ReplyDelete
  5. اكيد رح اجربه
    لانو متل ما قلتي احسن من الكيماويات واستناق الغازات الضارة

    ReplyDelete