Friday, December 21, 2012

مولتن كيك...مناسبة للجو البارد والحار

هذة الكيكة من الكيكات اللي اغلب الناس بتحبها وبتطلبها في المطاعم والحقيقة انها سهلة جدا بس السر فيها هو مدة الخبز اللي لو زادت عن المطلوب بتصير كيكة عادية وما بنزل شوكولاتة من الوسط لما نفتحها بالمعلقة...وعشان اشجعكم انكم تعملوها بدي اقولكم انه اولادي وبنت بنت حماي عملوها في درس طبخ اعطيتهم اياه قبل سنتين اة اكثر شوي وهي صورتهم...


ولاني اليوم عندي شغل كثير وناوية اعملها ان شاء الله واقدمها مع كريما مخفوقة بدل البوظة وعارفة انه على الاغلب ما رح يكون عندي وقت اصور فحبيت اني اشارككم الطريقة واشجعكم تعملوها معي اليوم...وهذه مني لكل الستات اللي بحضروا دروس ال جي لانهم طلبوها في الدرس وهي الوصفة لعيونكم...


مولتن كيك
المقادير:

اصبع زبدة (100 غم)
2/3 كوب شكولاتة من النوع الجيد (كلما زادت نسبة زبدة الكاكاو كلما كانت نوعيتها افضل يعني 52% او اكثر)
كوب سكر ناعم
صفار بيضتين
بيضتين
6 ملاعق طعام مسطحة طحين
ملعقة كبيرة فانيلا
 
الطريقة:
يحمى الفرن على 220 درجة
توضع الزبدة والشكولاتة في وعاء زجاجي في المايكرويف لتسيح (حوالي دقيقة) وتخلط للتأكد من ذوبان الزبدة والشوكولاتة تماما.
يضاف السكر الناعم وتخلط جيدا
يضاف البيض والفانيلا وتخلط جيدا
يضاف الطحين وبرفق يخلط مع المواد
تدهن قوالب الفرن بالسمنة النباتية والطحين
توزع الكمية على 6 قوالب ليكون حجم الكعكة وسط او 4 قوالب ليكون حجمها اكبر وتدخل الى الفرن لمدة 10 دقائق لتكون الجوانب ناشفة والوسط رخوا عند هز القالب قليلا
تترك لتبرد دقيقة ثم وباستخدام سكين حاد صغير تدار على الحواف وتقلب وتقدم مع البوظة  او الكريما المخفوقةوصوص الشكولاتة والفراولة.
طبخا سعيدا ...
 

 
 

 

2 comments:

  1. بحب اخلي بناتي يشاركوني بالمطبخ بس بصراحة بيعجقوني اكتر
    اوقات بتحملهم واوقات لأ
    بس هم بشعروا بمتعة انهم ساعدوني
    وشكرا للوصفة

    ReplyDelete