Wednesday, December 19, 2012

شوربة البطاطا والكرفس

كثير من الناس اللي بيعرفوني بيفكروا اني بطبخ اكل اجنبي (او غربي) اكثر من الشرقي، وبالرغم من انه هذه معلومة صحيحة الا انه عائلتي ، وعلى عكس كثير من عائلات السيدات اللي بيحضروا عندي دروس في الطبخ، بتفضل الاكل الكلاسيكي العربي من محاشي وملوخية وفاصوليا...الخ. قبل عدة ايام طبخت محشي بطاطا على ايدامها (بدون بندورة) وكانت لذيذة وعشان اوفر وما ارمي الحشوة قررت اعمل شوربة الكرفس والبطاطا واللي تعتبر مش بس لذيذة ومناسبة بهذا البرد وكمان صحية (اذا قررت ما تضيفي كريما زي ما انا عملت).

شوربة البطاطا والكرفس
المقادير:
2 ملعقة طعام زبدة
بصلة صغيرة مفرومة ناعم
5 اعواد كبيرة كرفس مفرومة
حبة بطاطا كبيرة مفرومة مكعبات (انا استعملت الحشوة من داخل حبات البطاطا)
3 كوب مرق دجاج (وممكن استعمال مرق مكعبات الدجاج)
كريما (رشة اختياري - حوالي ربع كوب)

الطريقة:
تذاب الزبدة في قدر على نار متوسطة
يضاف البصل ويقلب لعدة دقائق ليذبل
يضاف الكرفس وتقلب عدة دقائق اخرى
تضاف البطاطا ثم المرق وتملح وترش بالفلفل الاسود
تخفض الحرارة بمجرد وصولها للغليان وتترك لتطرى الخضار
تطحن اما في الخلاط او باستخدام مطحنة الطعام اليدوية
تضاف رشة الكريما ولا تغلى في هذه الحالة لكي لا تفصل الكريما.
وصحتين

 

3 comments:

  1. وصفة الشوربة راائعة
    انا بحب الاكل العربي اكترررررر
    متل الفاصوليا بزيت واللوبيا واكلات التغميس كلها

    ReplyDelete
  2. حبيبتي لو سمحتي انا اول مره بستعمل الكرفس هل اوراقه تقطع مع الساق ام ترمى شكرا جزيلا لك

    ReplyDelete
    Replies
    1. اهلًا وسهلا الساق وليس الأوراق :)

      Delete