Friday, November 23, 2012

معلومة على الماشي...خلطة الجرام ماسالا


بالبرد بيحلى الاكل اللي بيشعرنا بالدفا...مثل الاكل اللي فيه بهارات. واحدة من السيدات في دروس الطبخ سألتني عن الجرام ماسالا ومثل ما بتعرفوا انها خلطة من البهارات المختلفة وهي مش نوع واحد...يعني فعليا هي بتختلف حسب المنطقة في الهند من حيث انواع البهارات وكميتها اللي بتنحط بس اللي بتشترك فيه هو انه البهارات تحمص اولا بعدين تطحن... وطبعا ممكن تشتروها جاهزة بس مثل ما بتعرفوني...انا بحب اعمل الخلطات بالبيت لانه مش بس اوفر وكمان بضمن انها طازجة اكثر..

خلطتي المعتمدة للجرام ماسالا
المقادير:
    ملعقة طعام كمون
    ملعقة صغيرة ملح
    ½ 1 ملعقة صغيرة فلفل اسود
    ملعقة صغيرة قرفة
    ½ 1 ملعقة صغيرة كزبرة ناشفة
          ½ 1 ملعقة صغيرة هيل مطحون
          ½ ملعقة صغيرة كبش قرنفل مطحون
          ½ ملعقة صغيرة جوزة الطيب مطحون 
        الطريقة:
تخلط كل المقادير ويحتفظ بها في وعاء محكم الاغلاق


1 comment:

  1. يسلموا ياا رب
    انا بحب هيك اجهز كل شي واحفظه بمكان مناسب

    ReplyDelete