Wednesday, November 21, 2012

معلومة على الماشي...الاستفادة من قطع الملفوف الاقسى بعد سلقه


موسم الشتا بدا وطبعا بدت معه اكلات الشتا اللي بنشتقلها وبتدفي...اليوم انا ما رح احط وصفة اكلة شتوية لاني عملت ملفوف واظن انه اغلب الناس بتعرف كيف تعمله وجربوا تحطوله شبت بالحشوة (على الطريقة المصرية) ورح يعجبكم الطعم اكيد... بس اليوم انا بدي اقول للي ما بيعرفوا شو يعملوا بالقطع اليابسة اللي بنكبها لما نلف الورق المسلوق...اليوم انا قطعتها قطع صغيرة كثير وحطيت سن ثوم مدقوق وعصير ليمون ورشة سماق و1/2 حبة فليفلة حمراء للمنظر وممكن ان نضع فليفلة خضراء وصفراء كمان...طلعت سلطة زاكية وهيك وفرت وما رميت اي جزء من الملفوفة وكمان اكلنا شي مفيد... انا متأكدة انه في طرق ثانية للاستفادة من الاجزاء اليابسة المسلوقة مثل عمل مخلل او سلطة ملفوف بالطحينية...بس حبيت اشارككم حبي للتوفير وعدم هدر اي جزء من الاكل اذا امكن وصحتين...
 
 

6 comments:

  1. مزبوط هي القطع كتير زاكية مع مخلل اللفت والزهرة جربيها وبتذكر واحنا صغار كنا نقعد جنب ماما وهي تلف الملفوف ونتسابق على أكلها هيك متل السناك وبعدين عرفت انه ماما بتحطهم بقاع الطنجرة قبل ما تحط الورق.. طبعا أكيد رح جرب الوصفة شكلها زاكية مع الفليفلة الملونة والأولاد أكيد رح يحبوها

    ReplyDelete
  2. اهلا وسهلا وشكرا للمتابعة

    ReplyDelete
  3. انا الحمدلله ما بكب اللي بيزيد من راس الملفوف..بخليه للسلطات مثل هيك او بحط معها مايونيز

    ReplyDelete
  4. يسلموا ايديكي
    فعلا لازم نحافظ على النعمة ونحاول نستفيد منها قدر الامكان
    انا بحاول اقطع القطع القاسية من الملوف قبل سلقه وبعملها مع السلطة بتطلع كتيير طيبة

    ReplyDelete